2026 தேர்தலுக்காக நாதக அறிக்கையை வெளியிட்ட சீமான், தமிழகத்திற்குச் சென்னை, திருச்சி, கோவை, மதுரை, குமரி என 5 தலைநகரங்களை அறிவித்து அதிரடி கிளப்பியுள்ளார்.
“5 தலைநகரங்கள்” – புதிய நிர்வாக மாதிரி
தமிழகத்தின் சீரான மற்றும் சமநிலை வளர்ச்சிக்காக, நிர்வாகத்தை ஒரே இடத்தில் மையப்படுத்தாமல் பரவலாக்கும் திட்டத்தை சீமான் அறிவித்துள்ளார்.
அதன்படி:
- சென்னை – முதன்மைத் தலைநகரம்
- திருச்சி – நிர்வாகத் தலைநகரம்
- கோவை – தொழில் தலைநகரம்
- மதுரை – கலை மற்றும் பண்பாட்டுத் தலைநகரம்
- கன்னியாகுமரி – சுற்றுலாத் தலைநகரம்
இந்த திட்டத்தின் மூலம், மாநிலத்தின் அனைத்து பகுதிகளுக்கும் சமமான வளர்ச்சி கிடைக்கும் என அவர் வலியுறுத்தினார்.
விவசாயம் – அரசுப் பணி
விவசாயத்தை ஒரு சாதாரண தொழிலாக அல்ல, அரசுப் பணியாக உயர்த்தும் முக்கிய அறிவிப்பும் வெளியிடப்பட்டது. விவசாயத்தை லாபகரமான துறையாக மாற்றுதல் விவசாயிகளுக்கு அரசுப் பணியாளர் அந்தஸ்து மாதாந்திர ஊதியம் வழங்கும் திட்டம் இதன் மூலம், விவசாயிகளின் வாழ்க்கைத் தரத்தை உயர்த்தவும், விவசாயத்துக்கு புதிய மரியாதையை அளிக்கவும் முயற்சி மேற்கொள்ளப்படுகிறது.
கல்வி & மருத்துவம் – முழுமையான மாற்றம்
- கல்வி மற்றும் சுகாதாரத் துறைகளில் பெரிய மாற்றங்களை கொண்டு வருவதாகவும் சீமான் அறிவித்துள்ளார்.
- தனியார்மயத்தை கட்டுப்படுத்துதல் / ஒழித்தல்
- அனைவருக்கும் சமமான தரமான கல்வி
- உலகத்தரம் வாய்ந்த இலவச அரசு மருத்துவ சேவைகள்
இந்த நடவடிக்கைகள், சமூக சமத்துவத்தை உறுதி செய்யும் நோக்கில் முன்வைக்கப்பட்டுள்ளதாக கூறப்படுகிறது.
சுற்றுச்சூழல் பாதுகாப்பு – கடும் நடவடிக்கைகள்
சுற்றுச்சூழல் பாதுகாப்பு தொடர்பாகவும் முக்கிய அறிவிப்புகள் வெளியாகின.
- மணல் கொள்ளையை முற்றிலும் தடுக்குதல்
- இயற்கை வளங்களை பாதுகாக்க தனி அமைச்சகம் அமைத்தல்
- சுற்றுச்சூழல் பாதுகாப்புக்கான சிறப்பு படை உருவாக்குதல்
இது, நிலைத்த வளர்ச்சிக்கான முக்கியமான முயற்சியாக பார்க்கப்படுகிறது.