தமிழக சட்டமன்ற தேர்தல் வரும் மார்ச்23 ஆம் தேதி நடைபெற உள்ளது.மே 4 ஆம் தேதி வாக்கு எண்ணிக்கை நடைபெற உள்ளது. இந் த நிலையில், திமுக, அதிமுக, நாதக, தவெக உள்ளிட்ட கட்சிகளிடையே நான்கு முனைப்போட்டி நிலவ உள்ளது.இந்த நிலையில், திமுக அரசை வீழ்த்த வேண்டும் என்றால் விஜய் தேசிய ஜனநாயக கூட்டணியில் இணைய வேண்டும் என்று பாஜக தரப்பில் தூது விடப்பட்டது.
தொடர்ந்து விஜயிடம் கூட்டணி பேச்சு வார்த்தை மறைமுகமாக நடத்தப்பட்டதாகவும், தமிழக வெற்றி கழகத்திற்கு 90 தொகுதிகள் வரை தேசிய ஜனநாயக கூட்டணியில் ஒதுக்கப்படுவதாகவும், இரண்டரை ஆண்டுகள் விஜய் முதல்வராக இருக்க வாய்ப்பளிக்கப்படுவதாக பேச்சுவார்த்தை நடத்தியதாக அரசியல் வட்டாரத்தில் கூறப்படுகிறது.
டெல்லி செல்லும் விஜய்…தவெக தொண்டர்கள் மனநிலை என்ன?
தனித்து போட்டியிடும் தவெக
மேலும் தேசிய ஜனநாயக கூட்டணியில் விஜய் இணைவது 90 சதவீதம் உறுதியானது என அரசியல் வட்டாரத்தில் பேச்சுகள் அடிப்படவே, கடந்த சில தினங்களுக்கு, கரூர் வழக்கு விசாரணைகாக தவெக தலைவர் விஜய் டெல்லி சென்று இருந்தார்.அப்போது முக்கிய நிர்வாகிகள் விஜயை சந் தித்து பேசினர். பின்னர் விசாரணை முடிந்து விஜய் சிரித்தபடி வந்தது கூட்டணி உறுதியானது என நம்ப தொடங்கினர். ஆனால், விஜய் இஃபதார் நோன்பு திறக்கும் நிகழ்ச்சியில் எந்த கட்சியுடனும் கூட்டணி இல்லை தவெக தனித்து போட்டியிடும் என்று அறிவித்தார்.
இதனைத் தொடர்ந் து எடப்பாடி பழனிசாமியும் தேசிய ஜனநாயக கூட்டணியில் புதிய கட்சி இணையவில்லை என்று கூறினார்.இதனால், தேர்தலில் தவெக தனித்து போட்டியிட உள்ளது உறுதியானது. இதற்கிடையே, கடந்த 2 மாதங்களுக்கு மேலாக தவெக தலைவரும் நடிகருமான விஜய் நடித்த ஜனநாயகன் படத்திற்கு சென்சார் வழங்குவதில் சிக்கல் நீடித்து வருகிறது.
ஜனநாயகன் படம் வெளியீடு எப்போது?
இதையடுத்து, படக்குழு சில காட்சிகளை மாற்றி புதுப்பிக்கப்பட்ட வடிவில் படத்தை தயாரிப்பது குறித்து முடிவு செய்துள்ளது. படத்தின் போஸ்ட் புரொடக்ஷன் பணிகளையும் மேற்கொள்வதற்காக, விஜய் இன்று இரவு தனி விமானத்தில் மும்பை சென்று இருப்பதாக தகவல் வெளியாகியுள்ளது.
இதற்கிடையே நீண்ட போராட்டத்திற்கு பிறகு தணிக்கை வாரியம் ஜனநாயகன் படத்தினை மறுஆய்வு செய்துள்ளது.மேலும் எப்போது வெளியாகும் என்று எதிர்ப்பார்க்கப்பட்டு இருந்த நிலையில், தேர்தல் நடத்தை விதிகள் அமலுக்கு வந்துள்ளது. இதனால் படம் வெளியாவதில் சிக்கல் நீடித்துள்ளது.
தமிழ்நாட்டில் தேர்தல் நடைமுறைகள் அமலில் உள்ள நிலையில், அரசியல் கட்சித் தலைவராகவும், வேட்பாளராகவும் உள்ள நடிகரின் படம் வெளியீடு பெறுவது இதுவே முதல்முறை. இதனால் தேர்தல் ஆணையத்தின் முடிவு என்னவாக இருக்கும் என்பது குறித்த எதிர்பார்ப்பு அதிகரித்துள்ளது.
தலைமைத் தேர்தல் அதிகாரி அர்ச்சனா பட்நாயக் கூறியதாவது, “ஒரு அரசியல் கட்சித் தலைவராக இருக்கும் நடிகரின் படம் தேர்தல் நேரத்தில் வெளிவரும் முன்னிலையில், இந்தியத் தேர்தல் ஆணையத்துடன் ஆலோசித்து விரைவில் தீர்மானம் வழங்கப்படும்” எனத் தெரிவித்தார்.
மேலும், சென்சார் போர்டு சில காட்சிகளை நீக்க வேண்டும் என அறிவுறுத்தியதால், படக்குழு அந்த மாற்றங்களை செய்யவும், புதிய காட்சிகளை பதிவு செய்யவும் முடிவு செய்துள்ளது. இந்த பணிகள் மும்பையில் விஜய் நேரடியாக மேற்கொள்ள உள்ளார் என தகவல் வெளியாகியுள்ளது.