நெருங்கும் புதுச்சேரி சட்டமன்ற தேர்தல்.. பாஜக வேட்பாளர் பட்டியல் வெளியீடு – யார் அந்த 10 பேர்? – puducherry assembly 2026 election nda alliance bjp candidate list

புதுச்சேரி சட்டமன்ற தேர்தல்

புதுச்சேரி சட்டமன்றத் தேர்தல் 30 தொகுதிகளுக்கான வேட்பு மனு தாக்கல் கடந்த மார்ச் 16ஆம் தேதி தொடங்கி மார்ச் 23ஆம் தேதி வரை நடைபெற உள்ளது. இந்த முறை தேசிய ஜனநாயக கூட்டணி அதாவது, என். ஆர். காங்கிரஸ் மற்றும் பாஜக, அதிமுக மற்றும் லட்சிய ஜனநாயக கட்சியுடன் இணைந்து போட்டியிடுகிறது. அதே நேரத்தில், பிரதான எதிர் கட்சியாக காங்கிரஸ் திமுக கூட்டணி இருந்து வருகிறது.

இந்த நிலையில் என்.ஆர். காங்கிரஸ் தலைமையிலான தேசிய ஜனநாயக கூட்டணியில், ஜோஸ் மார்ட்டின் கட்சி இணைவதற்கு என்ன காங்கிரஸ் கட்சி தலைவர் ரங்கசாமி மறுப்பு தெரிவித்து வந்ததாக கூறப்படுகிறது. மேலும் தொகுதி பங்கிட்டிலும் இன்னக்கமற்ற சூழல் நிலவி வந்தது. குறிப்பாக தொகுதி பங்கீட்டு விவகாரத்தில் ஒத்துவரவில்லை என்றால் தமிழக வெற்றிக் கழகத்துடன் கூட்டணி வைக்க ரங்கசாமி தயாராக இருந்தார். இது குறித்து மறைமுக பேச்சுவார்த்தையும் நடந்ததாக அரசியல் வட்டாரத்தில் கூறப்படுகிறது.

புதுச்சேரி என்.டி.ஏ கூட்டணி கட்சிகள் தொகுதி பங்கீடு

இந்த தகவலை அறிந்த பாஜக புதுச்சேரி மாவட்ட பொறுப்பாளர் மன்சூக் மாண்டவியா ரங்கசாமியிடம் பேச்சுவார்த்தை நடத்தினார். அந்த பேச்சு வார்த்தையில் லட்சிய ஜனநாயக கட்சி கூட்டணியில் சேர்வது பிடிக்கவில்லை எனக் கூறி ரங்கசாமி மறுப்பு தெரிவித்ததாக கூறப்படுகிறது. இதனைத் தொடர்ந்து பல்வேறு கட்ட பேச்சு வார்த்தைகளுக்கு பிறகு, ஜோஸ் மார்ட்டினின் கட்சி இந்திய கூட்டணியில் இணைந்தது.
இதனைத் தொடர்ந்து என்.ஆர்.காங்கிரஸுக்கு 16 தொகுதிகளும், பாஜகவுக்கு 10 தொகுதிகளும், அதிமுக 2 தொகுதிகளும் மற்றும் லட்சிய ஜனநாயக கட்சிக்கு இரண்டு தொகுதிகளும் ஒதுக்கி ஒப்பந்தத்தில் கையெழுத்திடப்பட்டது. இதனைத் தொடர்ந்து, பாஜக சார்பில் 10 தொகுதிகளில் போட்டியிடும் வேட்பாளர்களின் பட்டியல் நேற்று வெளியிடப்பட்டது. அதில் ஒன்பது வேட்பாளர்கள் மட்டுமே குறிப்பிடப்பட்டிருந்த நிலையில் இன்று காரைக்கால் தெற்கு பாஜக வேட்பாளராக அருள்முருகன் அறிவிக்கப்பட்டுள்ளார்.

புதுச்சேரி பாஜக வேட்பாளர்கள் 2026 பட்டியல் விவரம் இதோ

இதனைத் தொடர்ந்து அதிமுக, என்.ஆர். காங்கிரஸ் கட்சி வேட்பாளர்களின் பட்டியல் வெயிடப்படும் என்று எதிர்ப்பார்க்கப்படுகிறது.