கொல்கத்தா,
294 சட்டசபை தொகுதிகளைக் கொண்ட மேற்கு வங்காளத்தில், 152 தொகுதிகளுக்கான முதல் கட்ட வாக்குப்பதிவு ஏப். 23 ஆம் தேதியும் 142 தொகுதிகளுக்கான இரண்டாம் கட்ட வாக்குப்பதிவு ஏப். 29 ஆம் தேதியும் நடைபெற உள்ளது. மே 4 அன்று வாக்கு எண்ணிக்கை நடைபெறுகிறது.
முதல்கட்ட தேர்தலுக்கான வேட்புமனு தாக்கல் மார்ச் 30 -ம் தேதி தொடங்கி ஏப். 6 -ம் தேதியுடன் நிறைவடைகிறது.
இரண்டாம் கட்டத் தேர்தலுக்கான வேட்புமனு தாக்கல் இன்று (ஏப். 2) தொடங்கி ஏப். 9 வரை நடைபெறுகிறது. ஏப். 10 ஆம் தேதி வேட்புமனுக்கள் மீதான பரிசீலனை நடைபெறும். ஏப். 13 வரை வேட்புமனுக்களைத் திரும்பப் பெறலாம்.
இந்நிலையில் இரண்டாம் கட்டத் தேர்தலில் முதல்-மந்திரி மம்தா பானர்ஜி, சுவேந்து அதிகாரி போட்டியிடும் பவானிபூர் தொகுதிக்கு தேர்தல் நடைபெறுகிறது.
பவானிபூர் தொகுதியில் போட்டியிட சுவேந்து அதிகாரி இன்று வேட்புமனு தாக்கல் செய்தார். மத்திய மந்திரி அமித் ஷா முன்னிலையில் அவர் தனது வேட்புமனுவை வழங்கினார். மமதா ஏப். 8 ஆம் தேதி வேட்புமனு தாக்கல் செய்ய உள்ளதாக தகவல் வெளியாகி உள்ளது.
சுவேந்து அதிகாரி ஏற்கெனவே நந்திகிராம் தொகுதியிலும் போட்டியிட வேட்புமனு தாக்கல் செய்துள்ளார்.
முதல்-மந்திரி மம்தா பானர்ஜி கடந்த முறை பவானிபூர், நந்திகிராம் ஆகிய இரு தொகுதிகளில் போட்டியிட்டு நந்திகிராமில் தோல்வியைத் தழுவிய நிலையில், இம்முறை பவானிபூர் தொகுதியில் மட்டும் போட்டியிடுகிறார் என்பது குறிப்பிடத்தக்கது.