தேர்தல் ஆணையம் மற்றும் உச்ச நீதிமன்றத்தின் வழிகாட்டுதல்களைப் பின்பற்றி, கட்சியின் அதிகாரப்பூர்வ ‘X’ (ட்விட்டர்) பக்கத்தில் இந்த விவரங்கள் பகிரப்பட்டுள்ளன.
உங்களிடம் இருந்து இப்படியான வேட்பாளரை எதிர்பார்க்கல விஜய்!
Format C-7 என்றால் என்ன?
உச்ச நீதிமன்ற உத்தரவுப்படி, ஒரு அரசியல் கட்சி குற்றப் பின்னணி கொண்ட ஒருவரை வேட்பாளராக நிறுத்தினால், அவர் மீதுள்ள வழக்கு விவரங்களை மட்டும் வெளியிட்டால் போதாது. “குற்றப் பின்னணி இல்லாத ஒருவரைத் தவிர்த்து, இவரை ஏன் வேட்பாளராகத் தேர்வு செய்தோம்?” என்பதற்கான காரணத்தையும் (Rationale) பொதுமக்களுக்குத் தெளிவுபடுத்த வேண்டும்.
த.வெ.க வெளியிட்ட விவரங்களின் முக்கிய அம்சங்கள்
வழக்கு விவரங்கள்: வேட்பாளர்கள் மீது பதிவு செய்யப்பட்டுள்ள எஃப்.ஐ.ஆர் (FIR) எண்கள், சட்டப் பிரிவுகள் மற்றும் அந்த வழக்கு எந்த நீதிமன்றத்தில் நிலுவையில் உள்ளது போன்ற தகவல்கள் விரிவாகப் பட்டியலிடப்பட்டுள்ளன.
தேர்வுக்கான காரணம்: பெரும்பாலும், மக்களுக்காகப் போராடியபோது பதியப்பட்ட அரசியல் வழக்குகள் (Protest-related cases) மற்றும் வேட்பாளரின் சமூகப் பங்களிப்பு ஆகியவற்றை முதன்மையான காரணங்களாக த.வெ.க முன்வைத்துள்ளது.
டிஜிட்டல் வெளிப்படைத்தன்மை: மற்ற கட்சிகள் செய்தித்தாள்களில் மட்டும் வெளியிடும் நிலையில், த.வெ.க தனது சமூக வலைதளப் பக்கங்களில் நேரடியாகப் பகிர்ந்து வாக்காளர்களின் கவனத்தை ஈர்த்துள்ளது.
அரசியல் களத்தில் கிளம்பியுள்ள விவாதம்
புதிய அரசியலைப் பேசுவதாகக் கூறும் விஜய், சட்ட விதிகளை முறையாகப் பின்பற்றி வேட்பாளர்களின் விவரங்களை மக்களிடமே சமர்ப்பித்திருப்பது பாராட்டுக்குரியது என நடுநிலையாளர்கள் கருத்து தெரிவித்துள்ளனர்.
மாற்று அரசியலைப் பேசும் கட்சி, சுத்தமான பின்னணி கொண்டவர்களை மட்டுமே வேட்பாளர்களாக நிறுத்தியிருக்கலாமே? என எதிர்க்கட்சியினர் மற்றும் சமூக ஆர்வலர்கள் ஒருபுறம் கேள்விகளை எழுப்பி வருகின்றனர்.
ஏன் இந்த நடவடிக்கை முக்கியமானது?
நாளை (ஏப்ரல் 6) வேட்புமனு தாக்கல் முடிவடைய உள்ள நிலையில், த.வெ.க-வின் இந்த அறிவிப்பு மற்ற பெரிய கட்சிகளுக்கும் ஒரு அழுத்தத்தை ஏற்படுத்தியுள்ளது. வாக்காளர்கள் தங்கள் வேட்பாளரைப் பற்றி முழுமையாகத் தெரிந்துகொண்டு வாக்களிக்க இது ஒரு சிறந்த வாய்ப்பாகப் பார்க்கப்படுகிறது.
விஜய் மீதுள்ள வழக்குகள்
மார்ச் 30 அன்று பெரம்பூர் தொகுதியில் தாக்கல் செய்த முதல் வேட்புமனுவில் தன் மீது வழக்குகள் ஏதுமில்லை என்று விஜய் குறிப்பிட்டிருந்தார் . ஆனால், ஏப்ரல் 2-ல் திருச்சி கிழக்குத் தொகுதியில் தாக்கல் செய்த மனுவில் தனக்கு எதிராக 2 வழக்குகள் நிலுவையில் இருப்பதை வெளிப்படுத்தினார். இந்தத் தகவல் முரண்பாட்டைச் சரிசெய்ய நேற்று (ஏப்ரல் 4) பெரம்பூர் தேர்தல் அதிகாரியிடம் கூடுதல் பிரமாணப் பத்திரத்தைத் (Supplementary Affidavit) தாக்கல் செய்தார்.
வழக்குகளின் விவரம்
மதுரை வழக்கு (2025): இது அரசியல் தொடர்பான ஒரு போராட்டத்தின் போது பதிவு செய்யப்பட்ட வழக்கு எனக் கூறப்படுகிறது தனக்கு முறையாகச் சம்மன் வரவில்லை என்பதால் முதல் மனுவில் இது விடுபட்டதாக விஜய் தரப்பில் விளக்கம் அளிக்கப்பட்டுள்ளது.
சென்னை வழக்கு (2026): பெரம்பூர் வேட்புமனுத் தாக்கலுக்குப் பிறகு, தேர்தல் விதிமுறைகளை மீறியதாகச் சென்னையில் பதிவு செய்யப்பட்ட வழக்கு