திமுக கூட்டணியில் அங்கம் வகிக்கும் விசிக தலைவர் திருமாவளவன், தேமுதிக பொதுச்செயலாளர் திருமாவளவன் ஆகியோரின் வேட்புமனுத் தாக்கல் தேதி வெளியாகி உள்ளது.
விருத்தாசலம் தொகுதியில் போட்டி
தனது கணவர் மறைந்த கேப்டன் விஜயகாந்த் அவர்கள் முதன்முதலில் களம் கண்டு சரித்திர வெற்றி பெற்ற விருத்தாசலம் தொகுதியிலேயே பிரேமலதா இம்முறை போட்டியிடுகிறார். அதிமுக தலைமையிலான கூட்டணியில் களம் காணும் அவர், கேப்டனின் சென்டிமென்ட் தொகுதி என்பதால் அங்கேயே போட்டியிட முடிவெடுத்துள்ளார்.
ஏன் கடைசி நாளில் மனுத் தாக்கல்?
இன்று (ஏப்ரல் 1) திருத்தணியில் தனது 20 நாள் சூறாவளிப் பரப்புரையை அவர் தொடங்குகிறார். மாநிலம் முழுவதும் பல்வேறு தொகுதிகளுக்குச் செல்ல வேண்டிய பயணத் திட்டம் வகுக்கப்பட்டுள்ளதால், கால அவகாசத்தைக் கருத்தில் கொண்டு கடைசி நாளில் மனுத் தாக்கல் செய்யத் திட்டமிட்டுள்ளார்.
மார்ச் 30-ல் மனுத் தாக்கல் தொடங்கியிருந்தாலும், ஏப்ரல் 6-ம் தேதியை அவர் தேர்ந்தெடுத்துள்ளார்.
திருமாவளவன் போட்டி
2026 தமிழக சட்டமன்றத் தேர்தலில் திமுக தலைமையிலான கூட்டணியில் களம் காணும் விடுதலைச் சிறுத்தைகள் கட்சி (விசிக), தங்களுக்கு ஒதுக்கப்பட்ட 8 தொகுதிகளிலும் ஒரே நாளில் வேட்புமனு தாக்கல் செய்யத் திட்டமிட்டுள்ளது.விசிக தலைவர் தொல். திருமாவளவன் கடலூர் தொகுதியில் போட்டியிடுகிறார். அவர் ஏப்ரல் 4-ம் தேதி அன்று கடலூர் மாவட்ட ஆட்சியர் அலுவலகத்தில் தனது வேட்புமனுவைத் தாக்கல் செய்யவுள்ளார்.
திருமாவளவனுடன் சேர்த்து அக்கட்சியின் மற்ற 7 வேட்பாளர்களும் அந்தந்தத் தொகுதிகளில் அதே நாளில் மனுத் தாக்கல் செய்ய முடிவெடுத்துள்ளனர்.
திமுக கூட்டணியில் விசிக இம்முறை 8 தொகுதிகளைப் பெற்றுள்ளது. தங்களின் செல்வாக்கு மிகுந்த பகுதிகளில் வெற்றியை உறுதி செய்ய அக்கட்சி தீவிரமாகப் பணியாற்றி வருகிறது.
விசிக போட்டியிடும் முக்கிய தொகுதிகள்
- கடலூர் (திருமாவளவன்)
- காட்டுமன்னார்கோவில்
- செய்யூர்
- அரக்கோணம்
- உவரி
- பரமக்குடி
- திருப்போரூர்
- கீழ்வைத்தியணன்குப்பம் (K.V. குப்பம்)
தேர்தல் முக்கியத் தேதிகள்
- வேட்புமனு தாக்கல் இறுதி நாள்: ஏப்ரல் 6, 2026.
- மனுக்கள் பரிசீலனை: ஏப்ரல் 7, 2026.
- வாக்குப்பதிவு: ஏப்ரல் 23, 2026.
- வாக்கு எண்ணிக்கை: மே 4, 2026.