சட்டமன்றத் தேர்தலில் வேட்புமனுத் தாக்கல் செய்யும் போது சொத்துவிவரங்களை குறிப்பிடுவது வழக்கம். அந்த வகையில் முதலமைச்சரின் சொத்து விவரம் வெளியாகி உள்ளது.
அசையும் சொத்துகள் விவரம்
ரங்கசாமி தாக்கல் செய்து உள்ள விவரங்களின் படி, அவரிடம் 2 கார்கள், 2 மோட்டார் சைக்கிள்கள் உள்ளன. மேலும், ஒரு முத்துச் செயின், ஒரு மோதிரம் போன்ற நகைகளும் அவரது சொத்து பட்டியலில் இடம் பெற்று உள்ளன. இவை அவரது அசையும் சொத்துகளாக கணக்கிடப்பட்டு உள்ளன.
அசையா சொத்துகள் மதிப்பு
முதல்வர் ரங்கசாமியின் சொத்து விவரங்களில் முக்கியமாக, ரூ.27.78 கோடி மதிப்பிலான அசையா சொத்துக்கள் இருப்பதாக தெரிவிக்கப்பட்டு உள்ளது. இதில் நிலம், கட்டிடங்கள் உள்ளிட்ட சொத்துகள் அடங்கும் என கூறப்படுகிறது.
கடன் விவரமும் வெளியீடு
அதே நேரத்தில், தனது கடன் விவரத்தையும் அவர் வெளிப்படையாக பதிவு செய்துள்ளார். அதன்படி, ரங்கசாமிக்கு ரூ.35 லட்சம் அளவில் கடன் இருப்பதாக பிரமாணப் பத்திரத்தில் குறிப்பிடப்பட்டுள்ளது.அவரது சொத்துக்களில் பெரும்பகுதி நிலங்களாகவே உள்ளன. புதுச்சேரி மற்றும் அதனைச் சுற்றியுள்ள பகுதிகளில் அவருக்கு சொந்தமான விவசாய நிலங்கள் மற்றும் காலி மனைகளின் தற்போதைய சந்தை மதிப்பு ரூ.27.78 கோடியாக மதிப்பிடப்பட்டுள்ளது. அதே நேரத்தில், அவருக்கு ரூ.35.15 லட்சம் கடன் இருப்பதாகவும் அவர் தெரிவித்துள்ளார். வங்கி மற்றும் பிற நிதி நிறுவனங்களில் அவர் வாங்கியுள்ள இந்தக் கடன்கள் அவரது பிரமாணப் பத்திரத்தில் தெளிவாகக் காட்டப்பட்டுள்ளன.
தேர்தல் வெளிப்படைத்தன்மை முக்கியம்
வேட்பாளர்கள் தங்களது சொத்து மற்றும் கடன் விவரங்களை வெளிப்படுத்துவது தேர்தல் வெளிப்படைத்தன்மைக்கு முக்கியமான அம்சமாக கருதப்படுகிறது. இந்த தகவல்கள் வாக்காளர்கள் மத்தியில் நம்பிக்கையை உருவாக்கும் முக்கிய காரணமாகும்.
இந்த நிலையில், ரங்கசாமி வெளியிட்டுள்ள சொத்து விவரங்கள் புதுச்சேரி அரசியல் வட்டாரங்களில் கவனம் ஈர்த்துள்ளன