2026 தமிழக சட்டமன்றத் தேர்தலுக்கான திமுக (DMK) மற்றும் கமல்ஹாசனின் மக்கள் நீதி மய்யம் (MNM) இடையிலான தொகுதிப் பங்கீடு குறித்த தகவல் வெளியாகி உள்ளது.
2024 மக்களவைத் தேர்தல் உடன்பாடு
இந்தக் கூட்டணிக்கான அஸ்திவாரம் 2024 மக்களவைத் தேர்தலின் போதே போடப்பட்டது. அப்போது கமல்ஹாசன் தேர்தலில் போட்டியிடாமல் திமுக கூட்டணிக்கு ஆதரவாகப் பிரச்சாரம் செய்தார். அதற்குப் பிரதிபலனாக, அவருக்கு ஒரு மாநிலங்களவை (Rajya Sabha) உறுப்பினர் பதவி வழங்குவதாக திமுக உறுதி அளித்தது. இந்தத் தேர்தல் நெருக்கத்தின் தொடர்ச்சியாகவே சட்டமன்றத் தேர்தலிலும் மநீம திமுக கூட்டணியில் இணைந்தது.
இழுபறியும் பேச்சுவார்த்தையும்
ஆரம்பத்தில் மக்கள் நீதி மய்யம் 5 முதல் 10 தொகுதிகள் வரை எதிர்பார்த்தது. குறிப்பாக நகர்ப்புறங்களில் தங்களுக்கு உள்ள செல்வாக்கைச் சுட்டிக்காட்டி பேரம் பேசியது. ஆனால், திமுக தனது 170+ இடங்கள் இலக்கைக் கருதி, சிறிய கட்சிகளுக்குக் குறைந்த இடங்களையே ஒதுக்க முடிவெடுத்தது.
சின்னம் விவகாரம்
கமல்ஹாசன் தனது கட்சியின் Torch Light சின்னத்திலேயே போட்டியிட விரும்புவதாகத் தெரிவிக்கப்பட்டது. ஆனால், திமுக தரப்பில் சில தொகுதிகளில் ‘உதயசூரியன்’ சின்னத்தில் போட்டியிடக் கோருவதாகத் தகவல் உலவுகிறது.
தற்போதைய நிலை- 2 தொகுதிகள் உறுதி?
பல சுற்றுப் பேச்சுவார்த்தைகளுக்குப் பிறகு, மக்கள் நீதி மய்யத்திற்கு 2 தொகுதிகள் ஒதுக்க திமுக முன்வந்துள்ளதாகத் தெரிகிறது. இன்று மாலை அண்ணா அறிவாலயத்தில் முதல்வர் மு.க. ஸ்டாலின் மற்றும் கமல்ஹாசன் ஆகியோர் முன்னிலையில் இதற்கான அதிகாரப்பூர்வ ஒப்பந்தம் கையெழுத்தாக உள்ளதாகத் தகவல்கள் தெரிவிக்கின்றன.
திமுக கூட்டணியின் தற்போதைய முழுப் பட்டியல்
திமுக ஏற்கனவே தனது முக்கியக் கூட்டணிக் கட்சிகளுடன் டீலை முடித்துவிட்டது.
- காங்கிரஸ்: 28 தொகுதிகள் + 1 ராஜ்யசபா சீட்.
- மார்க்சிஸ்ட் கம்யூனிஸ்ட் (CPI-M): 5 தொகுதிகள்.
- இந்திய கம்யூனிஸ்ட் (CPI): 5 தொகுதிகள்.
- மதிமுக (MDMK): 4 தொகுதிகள்.
- IUML & MMK: தலா 2 தொகுதிகள்.
- கொமதேக (KMDK): 2 தொகுதி