அதிமுக தலைமையிலான தேசிய ஜனநாயக கூட்டணியில் பாஜகவிற்கு 27 தொகுதிகளை ஒதுக்கி உள்ளதாக வெளியான தகவல் பெறும் பரபரப்பை ஏற்படுத்தியுள்ளது.
மேலும் மார்க்சிஸ்ட் கம்யூனிஸ்ட் கட்சிகளுடன் தொடர்ந்து பேச்சுவார்த்தை இழுபறி நீடித்து வருகிறது. விசிக உடனும் தொகுதி பங்கீடு குறித்து திமுக ஆலோசனையின் நடத்தி வருகிறது. ஆனால், தேர்தல் தேதி அறிவிக்கப்பட்டிருந்தாலும் அதிமுக கூட்டணியில் இதுவரை தொகுதி பங்கீடு தொடர்பான பேச்சுவார்த்தை முடிவுக்கு வராதது கூட்டணியில் சலசலப்பை ஏற்படுத்தியுள்ளது.
ஒவ்வொரு கட்சிக்கும் திமுக போடும் Strategy!
இந்த நிலையில் அதிமுக கூட்டணியில் அங்கம் வகிக்கும் பாஜக கட்சிக்கு மொத்தம் 27 தொகுதிகளை ஒதுக்கியதாக கூறப்படுகிறது. ஆனால் பாஜகவோ அதிமுகவிடம் 50 அல்லது 60 தொகுதிகளை கேட்டு வருவதாக செய்திகள் வெளியாகின. ஆனால் அரசியல் வட்டாரத்தில் உலா வந்த செய்திகளுக்கு எதிராக தற்பொழுது 27 தொகுதிகளை மட்டும் தான் பாஜகவுக்கு அதிமுக ஒதுக்கி உள்ளதாக கூறப்படுகிறது.
குறிப்பாக திமுக கூட்டணியில் அங்கம் வகிக்கும் காங்கிரஸ் கட்சிக்கு 28+1 ஒதுக்கப்பட்டதை விட அதிமுக தலைமையிலான தேசிய ஜனநாயக கூட்டணியில் பாஜகவுக்கு காங்கிரசை விட குறைவான தொகுதிகள் ஒதுக்கப்பட்டு இருப்பது அரசியல் வட்டாரத்தில் கவனம் பெற்றுள்ளது.
உத்தேசத் தொகுதிகள் என்னென்ன?
பாஜக போட்டியிடும் எனக் கூறப்படும் 27 தொகுதிகளில் சில முக்கிய இடங்கள் பேசப்பட்டு வருகின்றன. கொங்கு மண்டலத்தில் கோவை வடக்கு, ஓசூர், ஊட்டி, அவிநாசி போன்ற தொகுதிகள் உள்ளன. தென் மண்டலத்தில் நாகர்கோவில், மதுரை தெற்கு பகுதிகளும் இடம்பெறுகின்றன. அதேபோல், சென்னை பகுதியில் வேளச்சேரி மற்றும் தியாகராய நகர் போன்ற தொகுதிகளிலும் பாஜக கவனம் செலுத்துகிறது. குறிப்பாக கன்னியாகுமரி மாவட்டம் மற்றும் கொங்கு மண்டல பகுதிகளில் கட்சி அதிக முக்கியத்துவம் அளித்து வருகிறது.
ஆனால், இவை அனைத்தும் அதிகாரப்பூர்வ தகவல்கள் அல்ல. அதிமுக மற்றும் பாஜக இடையே பேச்சுவார்த்தை தொடர்ந்து நடைபெற்று வருகிறது. வெற்றி வாய்ப்பு அதிகம் உள்ள தொகுதிகளை தேர்வு செய்ய இரு கட்சிகளும் ஆலோசித்து வருகின்றன. தொகுதி பங்கீடு குறித்து அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது