4 வின்னர்கள்: ராஜ்குமார் பெரியசாமி இயக்கத்தில் தனுஷ், மம்மூட்டி, சாய் பல்லவி, ஸ்ரீலீலா உள்ளிட்டோர் நடித்து வரும் ஓம் படம் அக்டோபர் மாதம் 16ம் தேதி ரிலீஸாகவிருக்கிறது. சும்மாவே ராஜ்குமார் பெரியசாமி, தனுஷ் கூட்டணி என்பதால் ஓம் படம் மீது அதிக எதிர்பார்ப்பாக இருந்தது. இந்நிலையில் நேற்று முன்தினம் தேசிய விருதுகள் அறிவிக்கப்பட்டதும் அந்த எதிர்பார்ப்பு மேலும் அதிகரித்துவிட்டது.
தேசிய விருது வென்ற நான்கு பேர் ஓம் படத்தில் இருக்கிறார்கள். பிரம்மயுகம் மலையாள படத்திற்காக சிறந்த நடிகருக்கான விருதை பெற்றிருக்கிறார் மம்மூட்டி. அமரன் படத்தை அழகாக இயக்கியதற்காக சிறந்த இயக்குநருக்கான விருதை பெற்றுள்ளார் ராஜ்குமார் பெரியசாமி. சிவகார்த்திகேயன் ஹீரோவாக நடித்த அமரனுக்காக சிறந்த எடிட்டிங்கிற்கான தேசிய விருது கலைவாணனுக்கு கிடைத்துள்ளது. மேலும் தனுஷ் இயக்கிய ராயன் தான் சிறந்த தமிழ் படமாக தேர்வு செய்யப்பட்டுள்ளது.
வெற்றிக் கொண்டாட்டம்: அது மட்டுமல்லாமல் கேப்டன் மில்லரில் மிரட்டலாக நடித்ததற்காக தனுஷுக்கு தேசிய விருது அறிவிக்கப்பட்டுள்ளது. ஆக ஓம் பட இயக்குநர், ஹீரோ, மம்மூட்டி, எடிட்டர் ஆகியோருக்கு ஒரே நேரத்தில் தேசிய விருது கிடைத்திருக்கிறது. இதையடுத்து ஓம் படப்பிடிப்பு தளத்தில் பெரிய கேக்காக வெட்டி அந்த சந்தோஷத்தை கொண்டாடியிருக்கிறார்கள். அந்த கொண்டாட்ட புகைப்படங்களை எக்ஸ் தளத்தில் வெளியிட்டிருக்கிறார் மம்மூட்டி.
அதை பார்த்த சினிமா ரசிகர்கள் கூறியிருப்பதாவது, வாவ், இதெல்லாம் சாதாரண விஷயம் அல்ல. அடுத்ததாக ஓம் படத்திற்கும் தேசிய விருது காத்திருக்கிறது போன்று. மம்மூட்டி சார், உங்களுக்கு வயசே ஆகாதா?. தனுஷ் வயது மாதிரி இருக்கிறீர்கள். ஆனால் உங்களுக்கு 74 வயதாகிறது. உங்கள் இளமையின் ரகசியத்தை கொஞ்சம் சொல்லுங்கள் என்கிறார்கள்.
தேசிய விருது விமர்சனம்: தேசிய விருதுகள் அறிவிக்கப்பட்டதில் இருந்து எக்ஸ் தளத்தில் அது குறித்த விவாதங்களும், மீம்ஸுகளுமாக உள்ளது. தேசிய விருது ஜுரியில் ஒருவராக இருந்த கலா மாஸ்டரை கிண்டல் செய்கிறார்கள். தனுஷுக்கு எதற்காக இரண்டு விருதுகள் கொடுத்தீர்கள் கலா மாஸ்டர்?. காலையிலேயே ஃபிரைட் ரைஸ் கடை வைத்ததற்காக ஒரு தேசிய விருது கிடைத்திருப்பது எல்லாம் அதிசயத்திலும் அதிசயம் என்கிறார்கள்.
மகாராஜாவுக்காக சாச்சனாவுக்கு தேசிய விருது கொடுத்திருக்கும் நீங்கள் ஏன் விஜய் சேதுபதிக்கு கொடுக்கவில்லை?. தங்கலான் விக்ரம், ஆடுஜீவிதம் ப்ரித்விராஜின் நடிப்பு எல்லாம் தேசிய விருது ஜுரிக்கு கண்ணுக்கு தெரியவில்லையா என்று ரசிகர்கள் கேள்வி எழுப்பியுள்ளனர்.
மாஸ்டர் பதில்: நாங்கள் 400 படம் பார்த்து தான் விருதுகளுக்கான ஆட்களை தேர்வு செய்தோம். அதிலும் சிறந்த நடிகருக்கான விருது கொடுக்க ரொம்ப போட்டியாக இருந்தது. மம்மூட்டி, அந்த இந்தி நடிகர், தனுஷ் என்று மூன்று பேர் இருக்க வேறு வழியில்லாமல் விருதை அறிவித்தோம். மம்மூட்டி சாருக்கும், இந்தி நடிகருக்கும் சிறந்த நடிகருக்கான விருதையும், தனுஷுக்கு ஸ்பெஷல் மென்ஷன் விருதையும் கொடுத்தோம் என்றார் கலா மாஸ்டர்.
இந்நிலையில் தனக்கு 2 தேசிய விருதுகள் கிடைத்திருப்பதை பார்த்த தனுஷோ தன்னுடைய மிகப் பெரிய பலமான ரசிகர்களுக்கு நன்றி தெரிவித்தார். மேலும் விருது வென்றவர்களை வாழ்த்திய முதல்வர் விஜய்க்கும் நன்றி தெரிவித்தார்.
சூப்பர் ஸ்டார் பட்டம் வரலாறு மற்றும் முக்கிய நிகழ்வுகள்
இதற்கிடையே புஷ்பா 2 படத்திற்கு எந்த அடிப்படையில் சிறந்த காஸ்டியூமுக்கான விருதை அறிவித்தீர்கள்?. இதெல்லாம் உங்களுக்கே ஓவராக இல்லையா என்று பிரபாஸ் ரசிகர்கள் கேள்வி எழுப்பியுள்ளனர்.
Source link