நிழல் கிரகங்களான ராகு மற்றும் கேதுவின் பேசிய டிசம்பர் 5ம் தேதி இரவு 8.03 மணிக்கு நடைபெற உள்ளது.இந்தப் பெயர்ச்சியின் போது ராகு மகர ராசிக்கும் கேது கடக ராசிக்கும் பெயர்ச்சியாக உள்ளனர். டிசம்பர் 5ம் தேதி வரை எந்தெந்த ராசிகளுக்கு மிகவும் பயனளிப்பதாக இருக்கும். அதிர்ஷ்டமான ராசிகள் யார் என இங்கு தெரிந்து கொள்வோம்.
சர்ப்ப கிரகங்கள், நிழல் கிரகங்கள் என அழைக்கப்படக்கூடிய ராகு மற்றும் கேது மிகவும் சக்தி வாய்ந்தவையாகவும், சிலரின் வாழ்க்கையில் திடீரென தாக்கங்களை ஏற்படுத்தக்கூடியன. இவை தரக்கூடிய வெற்றி மரியாதையை மற்றும் முன்னேற்றம் பெரிய அளவில் இருக்கும். அதே போல குறிப்பிடத்தக்க சவால்களையும் ஏற்படுத்தலாம். சிலருடைய ஜாதகத்துக்கு இந்த நிழல் கிரகங்களின் நிலைப்பாடு, அந்த நபரை பல்வேறு போராட்டங்களையும், தன் செய்யக்கூடிய தொழில், வேலை, நிதிநிலை, குடும்ப உறவுகள் உள்ளிட்டவை ஆழமாக பாதிக்கக் கூடியதாக அமைகின்றன.
ராகு கேது பெயர்ச்சி
ராகு மற்றும் கேது கிரகங்கள் அசுபமான கிரகங்களாக ஜோதிடத்தில் குறிப்பிடப்படுகின்றன. ஆனால் சில ஆசைகளுக்கு அதிகமான மாற்றங்களையும், முன்னேற்றத்திற்க வாய்ப்பு கொண்டுவரும். டிசம்பர் ஐந்தாம் தேதி ராகு கேது பெயர்ச்சி நடக்கக்கூடிய காலம் வரை மகரம், கன்னி ராசி உள்ளிட்ட ராசிகளுக்கு தொழில் முன்னேற்றம் மற்றும் குடும்பத்தில் மகிழ்ச்சியான சூழல் நிலவும். உங்களுடைய சூழலை மேம்படக்கூடிய வாய்ப்புகள் ஏற்படும்.
கடக ராசி
கடக ராசி அன்பர்களுக்கு டிசம்பர் 5ம் தேதி வரையிலான காலத்தில் பல மங்களகரமான பலன்கள், நல்ல முடிவுகளும் கிடைக்கும் என எதிர்பார்க்கப்படுகிறது. இந்த குறிப்பிட்ட காலத்தில் உங்களுக்கு நீண்ட நாட்களாக நிலுவையில் இருந்த பணிகள் நிறைவடையும். உங்களுடைய முயற்சிகளுக்கு நல்ல பலன்கள் கிடைக்கும். நீங்கள் செய்யக்கூடிய வேலை, மற்றும் தனிப்பட்ட வாழ்க்கையில் நல்ல மாற்றங்களையும், புதிய வாய்ப்புகளையும் காண்பீர்கள். புதிய வீடு வாங்குவதற்கான வாய்ப்புகள் அதிகமாகும். உங்களுடைய வருமானம் அதிகரிக்கவும், முதலீடுகள் லாபத்தை தரக்கூடியதாகவும் இருக்கும்.
இந்த காலத்தில் உங்களுக்கு ஆன்மீகத்தின் மீதான பற்றுதல் அதிகரிக்கும். மன அமைதியை மேம்படுத்தும் விஷயங்களில் கவனம் செலுத்தவும். உங்களுடைய தன்னம்பிக்கை அதிகரிக்கும் என்பதால் பெரிய சவால்களை கூட துணிச்சலாக எதிர்கொள்ள முடியும்.
கன்னி ராசி
கன்னி ராசி அன்பர்களுக்கு டிசம்பர் 5ஆம் தேதி வரையிலான காலத்தில் உங்களுடைய பொருளாதார ரீதியான முன்னேற்றத்தை எதிர்பார்க்கலாம். புதிய வழிகளில் உங்களுக்கு வருமானங்கள் வந்து சேரும். புதிய நண்பர்களின் அறிமுகமும் அவர்களின் தொடர்புகளால் நல்ல வாய்ப்புகளையும் பெறுவீர்கள்.
புதிய வேலை அல்லது தொழிலை தொடங்குவதற்காக காத்திருக்க கூடிய நபர்களுக்கு நல்ல சூழலும் செய்தியும் கிடைக்கும். தொழில் தொடர்பான திட்டங்கள் ஏற்றத்தை தரும். முறையான திட்டமிடல் மற்றும் தன்னம்பிக்கையுடன் செயல்பாடு பெரிய முன்னேற்றத்தை தரும். இந்த காலத்தில் உங்களுக்கு வரக்கூடிய புதிய வாய்ப்புகளை சரியாக, நிதானமாக தேர்வு செய்து செயல்பட்டால் நன்மை கிடைக்கும்.
கும்ப ராசி
கும்ப ராசி அன்பர்களுக்கு டிசம்பர் 5ஆம் தேதி வரையிலான காலத்தில் பல்வேறு விதத்தில் சுப பலன்களை எதிர்பார்க்கலாம். நீண்ட நாட்களாக நடைபெற்று வந்த பணிகள் முடிக்க முடியும். முக்கியமான பணிகளை செய்து முடிப்பதில் திட்டமிடலும் அதற்கான முயற்சியும் தேவைப்படும். குடும்பத்தில் பரஸ்பர புரிதல் அதிகரிப்பதால் மகிழ்ச்சியான சூழல் நிலவும். கலை இலக்கியமும், படைப்பாற்றல் தொடர்பான துறைகளில் புதிய வாய்ப்புகளும் அதன் மூலம் பிரபலமாகவும் வாய்ப்புகள் உண்டு. மாணவர்கள் இந்த காலத்தில் சாதகமான சூழலையும், படிப்பில் முன்னேற்றத்தையும் காண்பார்கள். தேர்வு தொடர்பான கடின முயற்சிகளில் முன்னேற்றம் ஏற்படும். குடும்ப பொறுப்புகளை சிறப்பாக செய்து முடிப்பீர்கள்.
குறிப்பு:
இங்கு வழங்கப்பட்டுள்ள அனைத்து ஜோதிடத் தகவல்களும் தீர்வுகளும் ஜோதிடம் மற்றும் ஆன்மீக நம்பிக்கைகளை அடிப்படையாகக் கொண்டவை. இது குறித்து எந்த அறிவியல் ஆதாரமும் இல்லை. இத்தகவல்களைக் கருத்தில் கொண்டு முழுமையான விவரங்களைப் பெற, தொடர்புடைய நிபுணரை அணுகுவது நல்லது.