துஷாரா பதில்: 72வது தேசிய விருதுகள் பட்டியல் வெளியானதில் இருந்து சமூக வலைதளங்களில் தமிழ் சினிமா ரசிகர்கள் தனுஷின் ராயன் படத்தை தான் விமர்சித்து வருகிறார்கள். ஃபிரைட் ரைஸ் கடை வைத்து வன்முறை செய்ததற்காக ராயனுக்கு சிறந்த தமிழ் படத்திற்கான தேசிய விருது கொடுக்கப்பட்டிருக்கிறதா என்கிறார்கள்.
தனுஷ் இயக்கி, இரண்டு தம்பிகள், ஒரு தங்கைக்கு அண்ணனாக நடித்த ராயனை வைத்து ஏகப்பட்ட மீம்ஸ் போட்டு தேசிய விருது ஜுரியை கேள்வி கேட்டிருக்கிறார்கள். இந்நிலையில் ராயன் படத்தில் தனுஷின் தங்கையாக நடித்த துஷாரா விஜயனிடம் இந்த தேசிய விருது சர்ச்சை குறித்து கேட்கப்பட்டது. அதற்கு அவரோ, விமர்சனங்களை விட்டுவிட்டு தேசிய விருது கிடைத்திருப்பதை நினைத்து சந்தோஷப்படவும் என்று கூறினார்.
தனுஷுக்கு ஃபர்ஸ்ட்: நடிகராக தேசிய விருதுகள் வென்ற தனுஷ் இம்முறை இயக்குநராக முதல் முறையாக விருது வாங்கவிருக்கிறார். முதல் முறை என்பது ரொம்ப ஸ்பெஷலானது. அந்த ஸ்பெஷலை நினைத்து சந்தோஷத்தில் இருக்கிறார் அவர். இந்த விருது கிடைக்க காரணமான ரசிகர்களுக்கு நன்றி தெரிவித்துள்ளார்.
இந்நிலையில் ராயன் குறித்து தேசிய விருதுகள் ஜுரியில் ஒருவராக இருந்த கலா மாஸ்டர் கூறியதாவது, தனுஷ் சார் அந்த படத்தை அவ்ளோ அழகாக இயக்கியிருக்கிறார். அதனால் தான் விருது கொடுத்தோம் என்றார். மேலும் கேப்டன் மில்லரில் தனுஷ் நடிப்பு சிறப்பாக இருந்ததால் ஜுரி ஆட்கள் சேர்ந்து அவருக்கு சிறப்பு மென்ஷன் கொடுத்ததாகவும் தெரிவித்தார்.
ராயனுக்கு விருது ஏன் என்று விளக்கம் அளித்த கலா மாஸ்டரையும் சமூக வலைதளங்களில் கலாய்க்கிறார்கள். அதே சமயம் தமிழ் சினிமாவுக்கு இத்தனை விருதுகள் கிடைக்க காரணமாக இருந்திருக்கிறார் என்பதை மறந்து அவரை கிண்டல் செய்வது எந்த வகையில் நியாயம் என்றும் சிலர் கலா மாஸ்டருக்கு ஆதரவாக பேசியிருக்கிறார்கள்.
தமிழில் படமே இல்லை என்றா இந்த ராயனுக்கு தேசிய விருது என இன்னும் பேசுகிறார்கள். விமர்சனம் என்பது வரத் தான் செய்யும் என்பது தனுஷுக்கு தெரியாமல் இல்லை. அதனால் தான் அவர் ராயன் நெகட்டிவ் விமர்சனங்களை ஒதுக்கி வைத்துவிட்டு தன் படத்தில் மட்டும் கவனம் செலுத்திக் கொண்டிருக்கிறார்.
புதுக்கட்சியா, விஜய் கட்சியா?: தனுஷ் கை நிறைய படங்கள் வைத்திருக்கும் நிலையில் அவரை அரசியலுக்கு அழைக்கிறார்கள் ரசிகர்கள். விஜய்க்கு எப்படி அவரின் ரசிகர்கள் பிறந்தநாளுக்கு தமிழகத்தின் எதிர்காலமே, தமிழர்களின் தலைவரே என பேனர்கள் வைத்தார்களோ தற்போது தனுஷுக்கு அதே போன்று அவரின் ரசிகர்கள் பேனர்கள் வைத்துள்ளனர்.
ஜோசப் விஜய் முதல் தேர்தலிலேயே முதல்வரானதை பார்த்துவிட்டு நீங்களும் அரசியலுக்கு வாங்க, முதல்வராகிவிடலாம் என சில நடிகர்களை அவர்களின் ரசிகர்கள் அழைத்துக் கொண்டிருக்கிறார்கள். அப்படி ரசிகர்கள் அழைக்கும் நடிகர்களில் ஒருவர் தனுஷ்.
இதற்கிடையே தம்பி நீங்கள் ஏன் தவெகவுக்கு வந்துவிடக் கூடாது என்று தனுஷிடம் கேட்டிருக்கிறார் முதல்வர் விஜய் என்று தகவல் வெளியானது. அதை அறிந்த தனுஷ் ரசிகர்களோ, அய்யோ அந்த பக்கம் போயிடாதீங்க. நமக்கு தவெக வேண்டாம் என்கிறார்கள்.
சூப்பர் ஸ்டார் பட்டம் வரலாறு மற்றும் முக்கிய நிகழ்வுகள்
நான் அரசியலுக்கு போகிறேன் என தனுஷ் எதுவும் சொல்லவில்லை. ஆனாலும் ரசிகர்களோ அவரின் அரசியல் வருகை குறித்து தீவிரமாக விவாதித்துக் கொண்டிருக்கிறார்கள். இந்நிலையில் ராயன் படத்தின் இரண்டாம் பாகம் வருமா என்றும் கேட்கிறார்கள்.
Source link