சென்னை சைதாப்பேட்டையில் நடைபெற்ற நிகழ்ச்சியில், முன்னாள் அமைச்சர் மா. சுப்பிரமணியன் முன்னிலையில் தமிழக வெற்றி கழகத்தைச் சேர்ந்த 30 பேர் திமுகவில் இணைந்தனர். புதிய உறுப்பினர்களுக்கு கட்சியின் சார்பில் பொன்னாடை அணிவித்து மா. சுப்பிரமணியன் வரவேற்பு அளித்தார்.
இந்த நிகழ்வில், சென்னை புழுதிவாக்கம் 186-வது வட்டத்தின் முன்னாள் தவெக வட்ட இணைச் செயலாளர் சந்தோஷ், வட்ட இளைஞரணி அமைப்பாளர் சிவனேசன், பகுதி பொருளாளர் கார்த்திக் உள்ளிட்ட பல்வேறு நிர்வாகிகள் கலந்து கொண்டு திமுகவில் தங்களை இணைத்துக் கொண்டனர்.
‘ பல ஆண்டுகள் உழைத்தும் அங்கீகாரம் இல்லை ‘
திமுகவில் இணைந்த பிறகு செய்தியாளர்களிடம் பேசிய சந்தோஷ், 186-வது வட்டத்தைச் சேர்ந்த 30 பேர் ஒன்றாக திமுகவில் இணைந்துள்ளதாக தெரிவித்தார்.
தவெகவில் பல ஆண்டுகளாக பணியாற்றிய போதிலும், தங்களது உழைப்புக்கு ஏற்ற அங்கீகாரமோ, நிர்வாகப் பொறுப்போ வழங்கப்படவில்லை என்று அவர் குற்றம்சாட்டினார். மேலும், கட்சியின் வளர்ச்சிக்காக தொடர்ந்து பணியாற்றிய தங்களை நிர்வாகம் மதிக்கவில்லை என்றும், தங்களது கருத்துகளுக்கு முக்கியத்துவம் அளிக்கப்படவில்லை என்றும் கூறினார்.
‘ புதியவர்களுக்கு மரியாதை … பழையவர்களுக்கு புறக்கணிப்பு’
கட்சியில் சமீபத்தில் இணைந்தவர்களுக்கு முக்கியத்துவம் வழங்கப்பட்டதாகவும், நீண்ட காலமாக செயல்பட்டு வந்த நிர்வாகிகள் புறக்கணிக்கப்பட்டதாகவும் சந்தோஷ் தெரிவித்தார்.
“பல ஆண்டுகள் கட்சிக்காக உழைத்த எங்களுக்கு கிடைக்க வேண்டிய மரியாதை கிடைக்கவில்லை. ஆனால் புதிதாக வந்தவர்களுக்கு முன்னுரிமை வழங்கப்பட்டது. இந்த நிலை தொடர்ந்ததால் கருத்து வேறுபாடு ஏற்பட்டது. அதனால்தான் தவெகவில் இருந்து விலகி திமுகவில் இணைந்தோம்,” என்று அவர் கூறினார்.
‘விஜய்க்காக வந்தேன்… ஏமாற்றத்துடன் வெளியேறுகிறேன்’
நடிகர் விஜயின் அரசியல் வருகை மீதான நம்பிக்கையால் தவெகவில் இணைந்ததாகவும், ஆனால் கட்சியில் எதிர்பார்த்த சூழல் அமையவில்லை என்றும் சந்தோஷ் தெரிவித்தார்.
“விஜய்க்காகவே கட்சியில் இணைந்தோம். ஆனால் கட்சியில் நீண்ட காலம்உழைத்தவர்களுக்கு உரிய அங்கீகாரம் கிடைக்கவில்லை. எங்களது கருத்துகளையும் யாரும் கேட்கவில்லை. அதனால் கட்சியில் தொடர முடியாத சூழல் ஏற்பட்டது,” என்று அவர் கூறினார்.
‘இனி திமுகவில் மக்களுக்காக செயல்படுவோம்’
திமுகவின் செயல்பாடுகளை ஆரம்பம் முதலே கவனித்து வந்ததாக தெரிவித்த சந்தோஷ், எதிர்க்கட்சியாக இருந்த காலத்தில்கூட திமுக மக்கள் பிரச்சினைகளுக்காக தொடர்ந்து குரல் கொடுத்ததாக கூறினார்.
இனி திமுகவில் இணைந்து மக்களுக்காக முழு ஈடுபாட்டுடன் பணியாற்றுவோம் என்றும், கட்சியின் வளர்ச்சிக்கும், மக்கள் நலப் பணிகளுக்கும் தங்களது பங்களிப்பை வழங்குவோம் என்றும் அவர் தெரிவித்தார்.
உள்ளாட்சித் தேர்தலை முன்னிட்டு தமிழக அரசியலில் கட்சி மாறுதல்கள் அதிகரித்து வரும் நிலையில், தவெகவில் இருந்து 30 பேர் ஒரே நேரத்தில் திமுகவில் இணைந்திருப்பது அரசியல் வட்டாரங்களில் கவனத்தை ஈர்த்துள்ளது.
விஜய் மீது அதிருப்தியா?
திமுகவில் இணைந்த பிறகு பேசிய முன்னாள் தவெக வட்ட இணைச் செயலாளர் சந்தோஷிடம், இது நடிகர் விஜய் மீதான அதிருப்தியா என்ற கேள்வி எழுப்பப்பட்டது. அதற்கு பதிலளித்த அவர், தனிப்பட்ட முறையில் விஜய் மீது எந்த அதிருப்தியும் இல்லை என்றாலும், கட்சியின்நிர்வாகசெயல்பாடுகள் மற்றும் உள்கட்சி நடைமுறைகளில் ஏற்பட்ட ஏமாற்றமே இந்த முடிவுக்கு காரணம் என்று தெரிவித்தார்.
தேர்தலுக்கு பின்னால் நடந்த சம்பவம்! உண்மை உடைத்த திமுக நிர்வாகி! – aandal priyadharshini
பல ஆண்டுகளாக கட்சிக்காக உழைத்தும் உரிய பொறுப்பும் அங்கீகாரமும் வழங்கப்படவில்லை என்றும், புதிதாக இணைந்தவர்களுக்கு முன்னுரிமை அளிக்கப்பட்டதாகவும் அவர் குற்றம்சாட்டினார். நிர்வாகத்தில் தங்களது கருத்துகளுக்கு மதிப்பு அளிக்கப்படாததாலும், தொடர்ந்து புறக்கணிக்கப்பட்டதாக உணர்ந்ததாலும் திமுகவில் இணையும் முடிவை எடுத்ததாகவும் கூறினார்.
அதே நேரத்தில், விஜயின் மீது இருந்த ஈர்ப்பினால்தான் தவெகவில் இணைந்தோம். ஆனால் கட்சியின் செயல்பாடுகள் தங்களது எதிர்பார்ப்பை பூர்த்தி செய்யவில்லை என்பதால், தற்போது திமுகவில் இணைந்து மக்கள் பணியில் ஈடுபட முடிவு செய்துள்ளதாக சந்தோஷ் தெரிவித்தார்.