தனுஷ் தன் பிறந்தநாள் என்று என்பது தெரியாமலேயே இருந்ததாக கூறியிருக்கிறார். இன்று தனுஷின் 43வது பிறந்தநாள் ஆகும். அதை அவர் சார்பில் ரசிகர்கள் பிரமாண்டமாக கொண்டாடுகிறார்கள்.
தேசிய விருது வென்ற நடிகரும், இயக்குநரும், தயாரிப்பாளருமான தனுஷ் தான் என்று பிறந்தோம் என்பது தெரியாமல் இருந்திருக்கிறார். 4ம் வகுப்பு வரை பிறந்தநாளை கொண்டாடியதே இல்லையாம்.
பிறந்தநாள் வாழ்த்துக்கள் தனுஷ்
நாடு முழுவதும் தனக்கென்று ரசிகர்கள் பட்டாளமே வைத்திருக்கும் தனுஷ் இன்று தனது 43வது பிறந்தநாளை கொண்டாடுகிறார். ஜூலை 28ம் தேதி தான் தன் பிறந்தநாள் என்பது தனுஷுக்கு ரொம்ப லேட்டாக தான் தெரிந்திருக்கிறது. பள்ளியில் பிறந்தநாள் கொண்டாடும் பிள்ளைகள் கலர் டிரெஸ்ஸில் வந்து சாக்லேட் கொடுப்பார்கள். அன்றைய தினம் அவர்கள் தான் ரொம்ப ஸ்பெஷல் போன்று இருக்கும். அப்படியொரு உணர்வு தனக்கு வர வேண்டும் என்று நினைத்திருக்கிறார் தனுஷ். 4ம் வகுப்பு வரை பிறந்தநாள் கொண்டாடாத அவர் வீட்டிற்கு சென்று அக்கா நான் என்னைக்கு பிறந்தேன், எனக்கு கலர் டிரெஸ் போட்டு ஸ்கூலுக்கு போகணும்னு ஆசையாக இருக்கிறது என கூறியிருக்கிறார்.
ஜூலை 28ல் பிறந்த தனுஷ்
வீட்டிற்கு சென்ற பிறகு அம்மா, அப்பாவிடம் கேட்டு ஜூலை 28ம் தேதி தான் உன் பிறந்தநாள் என தனுஷிடம் தெரிவித்திருக்கிறார் அக்கா. அப்பொழுது எல்லாம் தனுஷ் வீட்டில் தீபாவளி, பொங்கலுக்கு தான் புதுத் துணி எடுத்திருக்கிறார்கள். தம்பிக்கு பிறந்தநாள் கொண்டாடும் ஆசை இருப்பதை பெற்றோரிடம் சொல்லி புத்தாடை வாங்க வைத்திருக்கிறார் அக்கா. சேர்த்து வைத்த பணத்தில் ஆசை சாக்லேட் வாங்கி தனுஷிடம் கொடுத்து பள்ளிக்கு அனுப்பி வைத்திருக்கிறார்கள்.
நன்றி சொன்ன தனுஷ்
முதல் முறையாக பிறந்தநாள் கொண்டாடும் சந்தோஷத்தில் கலர் உடையில், ஆசை சாக்லேட் பாக்கெட்டுடன் பள்ளிக்கு சென்றிருக்கிறார் தனுஷ். சக மாணவர்கள், ஆசிரியர்களுக்கு சாக்லேட் கொடுத்து ரொம்பவே ஸ்பெஷலாக ஃபீல் செய்திருக்கிறார். காலம் செல்லச் செல்ல பிறந்தநாள் கொண்டாடுவதில் அவருக்கு ஈடுபாடு இல்லாமல் போய்விட்டது. ஆனால் அவர் சார்பில் ரசிகர்கள் தனுஷ் பிறந்தநாளை கொண்டாடுகிறார்கள். உங்கள் பிறந்தநாளை கூட இவ்வளவு சந்தோஷமாக கொண்டாடுகிறீர்களா என தெரியவில்லை. ஆனால் என் பிறந்தநாளை கொண்டாடுகிறீர்கள். இதற்கெல்லாம் என்ன கைமாறு செய்யப் போகிறேன் என தெரியவில்லை. நன்றி எனும் வார்த்தையை தவிர உங்களுக்கு பெரிதாக எதையும் செய்ய முடியுமா என தெரியவில்லை என்று தன் பிறந்தநாள் கொண்டாட்ட நிகழ்ச்சியில் பேசினார் தனுஷ்.
அரசியலுக்கு வருகிறாரா?
ரஜினி
விருதுகள்
தனுஷ் இயக்கிய ராயன் படத்திற்கு சிறந்த தமிழ் படத்திற்கான தேசிய விருது அறிவிக்கப்பட்டதில் இருந்து அவரை விமர்சிக்கிறார்கள். இந்நிலையில் தானாக தனக்கு விருது கிடைத்ததாக கூறினார் தனுஷ். தட்டிக் கொடுங்கள், தட்டி விடாதீர்கள் என்று அவர் கேட்டுக் கொண்டுள்ளார். ராயனுக்கு மட்டும் அல்ல கேப்டன் மில்லருக்காகவும் தனுஷுக்கு தேசிய விருது அறிவிக்கப்பட்டுள்ளது என்பது குறிப்பிடத்தக்கது.