தமிழ்நாடு சட்டமன்ற தேர்தல் தேதி நெருங்கி வரும் நிலையில் அதிமுக முதல்கட்ட வேட்பாளர்கள் பட்டியல் வெளியிடப்பட்டுள்ளது. இதனையடுத்து தமிழக வெற்றிக் கழகத்தின் வேட்பாளர்கள் குறித்தான லிஸ்ட் விரைவில் வெளியாக உள்ளதாக தகவல்கள் கிடைத்துள்ளன. தவெக தலைவரான விஜய் இந்த அறிவிப்பினை வெளியிடவுள்ளார்.
வேட்புமனுத் தாக்கல்
இந்நிலையில் தமிழக வெற்றிக் கழகத்தின் சார்பில் போட்டியிட உள்ளவர்கள் குறித்தான அறிவிப்பு விரைவில் வெளியாக உள்ளதாக தகவல்கள் வெளியாகி, தவெக தொண்டர்களை உற்சாகம் அடைய செய்துள்ளது. வரும் ஏப்ரல் 23 ஆம் தேதி வாக்குப்பதிவு துவங்கவுள்ள நிலையில், மார்ச் 30 முதல் வேட்புமனுத் தாக்கல் செய்யும் பணிகள் துவங்கவுள்ளது. இதனால் வேட்பாளர்கள் பட்டியலை தயார் செய்வதில் அனைத்து கட்சிகளும் தீவிரம் காட்டி வருகின்றன.
தமிழக வெற்றிக் கழகத்தின் வேட்பாளர்கள் பட்டியல்
இந்நிலையில் தமிழக வெற்றிக் கழகத்தின் சார்பில் போட்டியிட உள்ளவர்கள் குறித்தான பட்டியலை அக்கட்சியின் தலைவர் விஜய் நாளை மறுநாள் மார்ச் 27 ஆம் தேதி வெளியிட உள்ளதாக தகவல்கள் வெளியாகியுள்ளன. மாமல்லபுரத்தில் உள்ள தனியார் நட்சத்திர விடுதி ஒன்றில் இந்த வேட்பாளர்கள் அறிமுகக் கூட்டம் நடைபெறவிருக்கிறது.
நேர்காணல் நடத்திய விஜய்
இதில் முதல்கட்டமாக 110 வேட்பாளர்கள் குறித்தான அறிவிப்பினை விஜய் வெளியிடுவார் என கூறப்படுகிறது. இதனையடுத்து இரண்டாம் கட்டமாக மீதமுள்ள தொகுதிகளுக்கான வேட்பாளர்கள் அறிமுகம் செய்ய வாய்ப்புள்ளதாக அரசியல் வட்டாரங்கள் தெரிவிக்கின்றன. முன்னதாக தவெக தலைவர் விஜய் பனையூரில் உள்ள தலைமை அலுவலகத்தில் வேட்பாளர்கள் நேர்காணல் செய்தார். அப்போது சுமார் 117 பேரை நேர்காணல் செய்யப்பட்டதாக கூறப்படுகிறது.
அதன்பின்னர் சிபிஐ விசாரணைக்காக டெல்லி சென்ற விஜய், சில தினங்களுக்கு முன்பாக அட்லீயின் மனைவி பிரியாவின் வளைகாப்பு நிகழ்ச்சிக்காக மும்பை சென்றார். இதனால் வேட்பாளர்கள் நேர்காணல் குறித்து எந்த விதமான தகவலும் வெளியாகவில்லை. இந்நிலையில் நாளை மறுநாள் முதல்கட்டமாக 110 வேட்பாளர்களை விஜய் அறிமுகம் செய்து வைக்கவுள்ளதாக தகவல்கள் வெளியாகி, தவெக தொண்டர்களை உற்சாகம் அடைய செய்துள்ளது.
அதிமுக முதல்கட்ட வேட்பாளர்கள் பட்டியல்
இதனிடையில் அதிமுகவின் 23 பேர் கொண்ட முதல்கட்ட வேட்பாளர் பட்டியல் இன்று காலை வெளியிடப்பட்டது. அதன்படி எடப்பாடியில் பழனிச்சாமி, வேப்பனஹள்ளியில் கேபி முனுசாமி, திண்டுக்கல்லில் சீனிவாசன், நந்தம் தொகுதியில் நத்தம் விஸ்வநாதன், தொண்டாமுத்தூரில் எஸ்பி வேலுமணி, குமாரபாளையத்தில் தங்கமணி, ராயபுரத்தில் டி ஜெயக்குமார், மைலம் தொகுதியில் சிவி சண்முகம் ஆகியோர் வேட்பாளர்களாக அறிவிக்கப்பட்டுள்ளன.
23 நட்சத்திர வேட்பாளர்கள்
மேலும் திருமங்கலத்தில் ஆர்பி உதயக்குமார், சிவகாசியில் ராஜேந்திர பாலாஜி, கோவில்பட்டியில் கடம்பூர் ராஜு, மதுரை மேற்கில் செல்லூர் ராஜு, பாலக்கோடு தொகுதியில் கேபி அன்பழகன், நன்னிலத்தில் ஆர். காமராஜ், வேதாரண்யம் தொகுதியில் ஓஎஸ் மணியன், விராலிமலையில் சி விஜயபாஸ்கர், திருப்பரங்குன்றத்தில் ராஜன் செல்லப்பா, பவானியில் கேசி கருப்பணன், மதுரவாயலில் பெஞ்சமின், கலசபாக்கத்தில் அக்ரி எஸ்எஸ் கிருஷ்ணமூர்த்தி, கரூரில் எம்ஆர் விஜயபாஸ்கர், ஜோலார்பேட்டையில் கேசி வீரணி மாறும் அரியலூரில் தாமரை எஸ் ராஜேந்திரன் என மொத்தமாக 23 வேட்பாளர்கள் அறிவிக்கப்பட்டுள்ளது குறிப்பிடத்தக்கது.