மத்திய நிதி அமைச்சகத்தின் கீழ் செயல்படும் சுங்கத் துறையில் காலியாக உள்ள பணியிடங்களை நிரப்புவதற்கான புதிய அறிவிப்பு வெளியாகியுள்ளது. இதில், மொத்தம் 10 பணியிடங்கள் நிரப்பப்பட உள்ளன. இந்த வேலைவாய்ப்பு அறிவிப்பில் குரூப் ‘C’ பிரிவின் கீழ் டிரேட்ஸ்மேன் (Tradesman), சீமேன் (Seaman), கிரேசர் (Greaser) உள்ளிட்ட பணியிடங்களுக்கு தகுதியானவர்கள் தேடப்படுகின்றனர்.
கல்வித்தகுதி: இந்தப் பணிகளுக்கு விண்ணப்பிக்க விரும்பும் நபர்கள் 10-ம் வகுப்பு அல்லது ஐடிஐ (ITI) தேர்ச்சி பெற்றிருக்க வேண்டும்.
சம்பளம்: தேர்வு செய்யப்படுபவர்களுக்கு மாதம் ரூ. 19,900 முதல் ரூ. 63,200 வரை ஊதியம் வழங்கப்படும்.
விண்ணப்பிக்கும் முறை: விண்ணப்பிக்க விரும்புவோர் ஆன்லைன் மூலம் விண்ணப்பப் படிவத்தைப் பெறலாம். அதற்காக சென்னை கஸ்டம்ஸ் அதிகாரப்பூர்வ இணையதளமான https://chennaicustoms.gov.in லிருந்து விண்ணப்பப் படிவத்தைப் பதிவிறக்கம் செய்து, பூர்த்தி செய்ய வேண்டும். பூர்த்தி செய்யப்பட்ட விண்ணப்பத்துடன் தேவையான ஆவணங்களை இணைத்து, குறிப்பிடப்பட்ட அலுவலக முகவரிக்கு தபால் மூலம் அனுப்பி வைக்க வேண்டும்.
விண்ணப்பிக்க கடைசி தேதி: விண்ணப்பங்களைச் சமர்ப்பிக்க 30.04.2026 கடைசி நாளாக அறிவிக்கப்பட்டுள்ளது. அதற்குப் பிறகு வரும் விண்ணப்பங்கள் ஏற்கப்பட மாட்டாது என்று சுங்கத்துறை தெரிவித்துள்ளது.