நவராத்திரி விழா ஒன்பது நாட்களும் அம்பிகையை பல்வேறு வடிவங்களில் அலங்கரித்து, அவளின் மனதை குளிர்வித்து, அம்பிகையின் ஒன்பது விதமான சக்திகளையும், அருளையும் பெறுவதற்குரிய நாளாகும். இந்த பண்டிகையின் நிறைவு நாளாக சரஸ்வதி பூஜையும், ஆயுத பூஜையும் கொண்டாடப்படுகிறது.
சரஸ்வதி பூஜை மற்றும் ஆயுத பூஜை அன்று நம்முடைய உறவுகளுடன் வாழ்த்துக்களை பகிர்ந்து கொண்டு, மகிழ்ச்சியாக அன்னையின் அருளை பெறலாம்.
நவராத்திரி வழிபாடு :
அம்பிகையை ஒன்பது நாட்கள் வழிபடும் விழாவிற்கு நவராத்திரி என்று பெயர். நவராத்திரி விழாவின் உச்சபட்ச நிகழ்வாகவும், நிறைவாகவும் கொண்டாடப்படுவது தான் சரஸ்வதி பூஜை மற்றும் ஆயுத பூஜை. நவராத்திரியின் கடைசி மூன்று நாட்கள் கலைமகளான சரஸ்வதியை வழிபடுவதற்கான நாட்களாகும். அதிலும் நவராத்திரியின் ஒன்பதாவது நாள் சரஸ்வதியை வேண்டி ஞானத்தை பெறுவதற்கும், நம்முடைய வாழ்க்கையை சிறக்க செய்ய பயன்படும் ஆயுதங்களையும் வைத்து வழிபட வேண்டிய நாளாகும்.
சரஸ்வதி பூஜை, ஆயுத பூஜை 2026 :
இந்த ஆண்டு சரஸ்வதி பூஜை மற்றும் ஆயுத பூஜை ஆகியவை அக்டோபர் 19 ம் தேதி கொண்டாடப்படுகின்றன. ஞானத்தை தரும் தெய்வமாகிய அன்னை சரஸ்வதி தேவியின் அருளை பெறுவதற்குரிய அற்புதமான நாளாகவும், இனி நாம் துவங்கும் செயல்கள் அனைத்தும் வெற்றிகரமானதாக அமைய வேண்டும் என்றும் அன்னை சரஸ்வதியை தேவியை மனதார வழிபட்டு, அவளின் அருளை பெறும் நாள் சரஸ்வதி பூஜையாகும். இந்த சமயத்தில் நண்பர்கள், உறவினர்கள், அன்பான சொந்தங்களுடன் வாட்ஸ்ஆப்பில் சரஸ்வதி பூஜை மற்றும் ஆயுத பூஜை வாழ்த்துக்களை பகிர்ந்து கொண்டு, மகிழ்ச்சியுடன் இந்த நாளை கொண்டாட இதோ சில அழகிய வாட்ஸ்ஆப் படங்கள்.