ஏசியன் கேம்ஸ் 2026 தொடரில், வில் அம்பு பிரிவில் கலப்பு இரட்டையர் பிரிவு போட்டிகள் நடைபெற்று வந்தது. இதில் இறுதிப் போட்டியில், தென் கொரியா மற்றும் இந்தியாவுக்கு இடையில் பலத்த போட்டி நடைபெற்று வந்தது.
துவக்கத்தில் இந்தியா முன்னிலை பெற்ற நிலையில், அடுத்து தென் கொரியா முன்னிலை பெற்று, ஸ்கோர் சமன் ஆனது. முதலில் இந்தியாவின் சலில் ஜாதவ் மற்றும் சிகிதா தனிபர்தி இணை சிறப்பாக செயல்பட்டு 40-39, 40-39 என முதல் இரண்டு செட்களிலும் முன்னிலை பெற்று 2-0 என முன்னிலை பெற்றனர். இதாவது, முதல் இரண்டு செட் முடிவில் இந்தியா 80 புள்ளிகளையும், தென் கொரியா அணி 39 புள்ளிகளையும் பெற்றது.
இதனைத் தொடர்ந்து தென் கொரியா அணி அபாரமாக செயல்பட்டு 39-38, 40-39 என சிறப்பாக செயல்பட்டு அசத்தியது. இதனால், இறுதியில் இரு அணிகளும் 157 புள்ளிகளை பெற்றதால், ஷூட் அவுட் முறை கொண்டு வரப்பட்டது.
ஒரேயொருமுறை மட்டுமே இரு அணி வீரர்களும், வில் அம்பை எய்த வேண்டும். அப்படி, இந்தியா எய்து 10 புள்ளிகளை பெற்ற நிலையில், கொரியா அணி 9 புள்ளிகளை பெற்று 2ஆவது இடத்தை பிடித்தது. இந்தியா தங்கம் வென்று அசத்தியது.
இதற்குமுன், இந்திய மகளிர் அணியும் வில் அம்பு பிரிவில் அசத்தியது. பைனலில், சீனா அணிக்கு எதிராக தொடர்ச்சியாக போராடி, இறுதியில் 238-234 என்ற கணக்கில் இந்தியா வென்று தங்கத்தை கைப்பற்றியது.
ஏசியன் கேம்ஸ் தொடரில், இந்தியா இதுவரை 54 பதக்கங்களை வென்றுள்ளது. இந்தியா இதுவரை 8 தங்கம், 21 வெள்ளி, 26 வெண்கல பதக்கத்தை வென்று, புள்ளிப் பட்டியலில் 9ஆவது இடத்திற்கு முன்னேறியுள்ளது. இந்தியாவுக்கு இன்னமும் சில தங்க பதக்கம் கிடைக்க வாய்ப்புள்ளது என்பதால், இந்திய அணி, இம்முறையும் டாப் 5 இடங்களில் இடம்பிடிக்க அதிக வாய்ப்புள்ளது.
ஏசியன் கேம்ஸ் 2023 தொடரில், இந்தியா சிறப்பாக செயல்பட்டு, 28 தங்கம், 38 வெள்ளி, 41 வெண்கல பதக்கத்துடன் 4ஆவது இடத்தை பிடித்தது. இம்முறையும், இதே அளவு பதக்கங்களை வெல்லவில்லை என்றால், அது விவாதப் பொருளாக மாறும் என்பது குறிப்பிடத்தக்கது.