தமிழ்நாடு அரசுப் பணியாளர் தேர்வாணையம் (TNPSC), ஒருங்கிணைந்த குடிமைப் பணிகள் தேர்வு-II (Group 2 மற்றும் 2A) தேர்வுக்கான ஹால் டிக்கெட்டுகளை வெளியிட்டுள்ளது. இத்தேர்வுக்கு விண்ணப்பித்துள்ள தகுதியான தேர்வர்கள், டிஎன்பிஎஸ்சி-யின் அதிகாரப்பூர்வ இணையதளங்களான tnpsc.gov.in அல்லது tnpscexams.in மூலம் தங்கள் நுழைவுச்சீட்டைப் பதிவிறக்கம் செய்து கொள்ளலாம்.
இந்த ஆண்டுக்கான டிஎன்பிஎஸ்சி குரூப் 2 மற்றும் 2A தேர்வுகள் மொத்தம் 821 காலிப் பணியிடங்களை நிரப்புவதற்காக நடத்தப்படுகிறது. இத்தேர்வு வரும் நவம்பர் 1, 2026 அன்று நடைபெறவுள்ளது. தேர்வு மையங்களில் கணினி வழித் தேர்வாக (CBT Mode) காலை 09:30 மணி முதல் மதியம் 12:30 மணி வரை தேர்வு நடைபெறும்.
ஹால் டிக்கெட் பதிவிறக்கம் செய்வது எப்படி?
தேர்வுக்கூடத்திற்கு ஹால் டிக்கெட்டை எடுத்துச் செல்வது கட்டாயமாகும். நுழைவுச்சீட்டு இல்லாமல் எந்தவொரு தேர்வரும் தேர்வு அறைக்குள் அனுமதிக்கப்பட மாட்டார்கள். மேலும், ஹால் டிக்கெட்டில் உள்ள பெயர், புகைப்படம் உள்ளிட்ட விவரங்கள் சரியாக உள்ளதா என்பதைச் சரிபார்த்துக் கொள்ளுமாறு தேர்வர்கள் அறிவுறுத்தப்படுகிறார்கள். ஏதேனும் பிழைகள் இருந்தால் உடனடியாகத் தேர்வாணையத்தைத் தொடர்பு கொண்டு திருத்திக் கொள்ள வேண்டும்.