சேலத்தில் மனைவியை குத்திக்கொன்ற கணவன் தனது மகனுடன் தற்கொலை செய்து கொண்ட சம்பவம் பெரும் சோகத்தை ஏற்படுத்தி உள்ளது.
சம்பவம் குறித்த விவரங்கள்
கமலாபுரம் அரசு உயர்நிலைப் பள்ளியில் ஆசிரியையாகப் பணியாற்றி வந்த ஸ்ரீவித்யா (44), பள்ளி வளாகத்தில் இருந்தபோது உயிரிழந்தார். அவரை அவரது கணவர் விஜயமுருகனே கத்தியால் குத்தி கொலை செய்தார். இந்த சம்பவம் அப்பகுதியில் பெரும் பரபரப்பை ஏற்படுத்தி உள்ளது.
கணவனும் மகனும் உயிரிழப்பு
இந்தச் சம்பவத்தைத் தொடர்ந்து, ஆசிரியையின் கணவர் விஜயமுருகன் மற்றும் அவர்களது மூன்று வயது மகனும் உயிரிழந்த நிலையில் கண்டெடுக்கப்பட்டனர். முதற்கட்ட தகவல்களின்படி, தந்தையே மகனுக்கு விஷம் கொடுத்துவிட்டு தற்கொலை செய்து கொண்டு உள்ளதாக தகவல்கள் வெளியாகி உள்ளன.
போலீசார் விசாரணை
தகவலறிந்து சம்பவ இடத்திற்கு வந்த ஓமலூர் காவல்துறையினர், உயிரிழந்தவர்களின் உடல்களைக் கைப்பற்றிப் பிரேதப் பரிசோதனைக்காக அரசு மருத்துவமனைக்கு அனுப்பி வைத்தனர். இச்சம்பவம் குறித்து வழக்குப் பதிவு செய்துள்ள போலீசார், உயிரிழப்புக்கான துல்லியமான காரணங்கள் குறித்துத் தீவிர விசாரணை மேற்கொண்டு வருகின்றனர். பள்ளி வளாகத்தில் நடந்த இந்தத் துயரச் சம்பவம் சக ஆசிரியர்கள் மற்றும் மாணவர்கள் மத்தியில் மிகுந்த அதிர்ச்சியை ஏற்படுத்தியுள்ளது.