“விஜய்யின் அரசியல் கருத்துக்கு பதில் சொல்ல நான் எப்போதும் தயாராக இருக்கிறேன், ஆனால்.!” – அண்ணாமலை
நடிகரும், தமிழக வெற்றிக் கழகத்தின் தலைவருமான விஜய்யின் மனைவி சங்கீதா விவாகரத்துக் கோரி மனுத்தாக்கல் செய்திருக்கும் சம்பவம் பேசுபொருளாக மாறியிருக்கிறது.
இந்நிலையில் செய்தியாளர்களைச் சந்தித்த தமிழக பாஜக முன்னாள் தலைவர் அண்ணாமலையிடம் இது தொடர்பாகக் கேள்வி எழுப்பப்பட்டிருக்கிறது.
அதற்கு பதிலளித்த அவர், “விஜய்யின் அரசியல் கருத்துக்கு பதில் சொல்ல நான் எப்போதும் தயாராக இருக்கிறேன். அவரது தனிப்பட்ட வாழ்க்கை குறித்து அரசியல் ரீதியாக கருத்து சொல்ல நான் விரும்பவில்லை.
அரசியலுக்கு வந்துவிட்டால் அதுவரை தோண்டப்படாத அவர்களது தனிப்பட்ட வாழ்க்கையை தோண்டுவார்கள். அது எல்லா தலைவருக்குமே இருந்ததுதான்.
விஜய் அரசியலுக்கு வரும்பொழுதே இதையெல்லாம் உணர்ந்துதான் வந்திருப்பார். இதை அவர் கடந்து தான் போக வேண்டும்.இதை தாண்டி தான் அவரது அரசியல் இருக்கிறது” என்று கூறியிருக்கிறார்.