ஆசிய பாட்மின்டன்: இரண்டாவது சுற்றில் சிந்து

சீனாவின் நிங்போ நகரில், ஆசிய பாட்மின்டன் சாம்பியன்ஷிப் தொடர் நடக்கிறது. பெண்கள் ஒற்றையர் பிரிவு முதல் சுற்றில் இந்தியாவின் சிந்து, மலேசியாவின் லிங் சிங் வோங் மோதினர். இதில் சிந்து 15-21, 21-11, 21-19 என்ற கணக்கில் வெற்றி பெற்று, 2வது சுற்றுக்கு முன்னேறினார்.

மற்றொரு போட்டியில் இந்தியாவின் மாளவிகா10-21, 19-21 என, தாய்லாந்தின் புசானனிடம் தோல்வியடைந்தார். இந்தியாவின் தான்வி சர்மா 19-21, 14-21 என, மலேசியாவின் லெட்ஷனாவிடம் வீழ்ந்தார்.

ஆண்கள் ஒற்றையர் பிரிவு முதல் சுற்றில் இந்தியாவின் பிரனாய், வியட்நாமின் ஹாய் டாங் நுகுயன் மோதினர். இதில் பிரனாய் 24-22, 21-12 என்ற நேர் செட் கணக்கில் வெற்றி பெற்று 2வது சுற்றுக்குள் நுழைந்தார். மற்றொரு போட்டியில் இந்தியாவின் ஆயுஷ் ஷெட்டி 21-13, 21-16 என, சீனாவின் லின் ஷி பெங்கை தோற்கடித்தார்.

இந்தியாவின் ஸ்ரீகாந்த் 21-19, 9-21, 11-21 என லோ கீன் யேவிடம் வீழ்ந்தார். இந்தியாவின் லக்சயா சென் 12-21, 19-21 என ஹாங்காங்கின் சியுக் யியூ லீயிடம் தோல்வியடைந்தார்.