ஜி.வி. பிரகாஷ் நடித்துள்ள ‘இம்மார்டல்’ திரைப்படம்
ஜி.வி. பிரகாஷ் நடிப்பில் பான்- இந்தியா திரைப்படமாக உருவாகியுள்ள ‘இம்மார்டல்’ திரைப்படத்தின் ‘She Is My’ என்ற இரண்டாவது பாடல் இன்று மாலை 6 மணிக்கு வெளியாகிறது.
மாரியப்பன் சின்னா இயக்கத்தில், முற்றிலும் மாறுபட்ட கதைக்களத்துடன் உருவான இப்படம், கடந்த வாரம் வெளியாக இருந்த நிலையில், ஜனநாயகன் ரிலீஸ் காரணமாக படத்தின் வெளியீடு ஒத்திவைக்கப்பட்டது.
புதிய பிளாக் பேந்தராக நடிக்கிறார் டேவிட் ஜான்சன்
மார்வெல் யூனிவெர்ஸ்-ன் கீழ் வரும் ’பிளாக் பாந்தர் 3’ திரைப்படத்தில் புதிய பிளாக் பாந்தராக டேவிட் ஜான்சன் நடிக்கவிருப்பதாக அறிவிக்கப்பட்டுள்ளது. சாட்விக் போஸ்மென் ((Chadwick Boseman)) புற்றுநோயினால் 2020-ம் ஆண்டு உயிரிழந்த நிலையில், அவர் நடித்த ‘டீ-சாலா’ கதாபாத்திரத்தின் மகனாக அடுத்த தலைமுறை பிளாக் பாந்தராக டேவிட் ஜான்சன் நடிக்கிறார். இந்த படம் 2028-ஆம் ஆண்டு வெளியாகிறது.
புதிய காதல் திரைப்படத்தை இயக்கி வரும் மணிரத்னம்
மணிரத்ணம் – விஜய் சேதுபதி கூட்டணியில் உருவாகும் புதிய திரைப்படத்தின் படப்பிடிப்புகள் விறுவிறுப்பாக நடைபெற்று வருகின்றன. தக் லைப் திரைப்படம் எதிர்பார்த்த வெற்றியை பெறாத நிலையில், மீண்டும் காதல் படத்தை இயக்க மணிரத்னம் முடிவு செய்துள்ளார். இந்த திரைப்படத்தில் முதல்முறையாக விஜய் சேதுபதி மற்றும் சாய் பல்லவி இணைந்து நடிக்கின்றனர்.