‘நான் வீட்டிற்கு செல்ல வேண்டும்’ என்ற வெஸ்ட் இண்டீஸ் அணியின் பயிற்சியாளர் டேரன் சமியின் பதிவு, இணையத்தில் வைரலாகி வருகிறது. ஈரான் மீது இஸ்ரேல், அமெரிக்கா நாடுகள் போர் தொடுத்து வருகின்றன. ஈரானின் அணுசக்தி மையங்கள், அணுசக்தி உள்கட்டமைப்புகள், ராணுவ தளங்கள் எனப் பல்வேறு பகுதிகளைக் குறிவைத்து தாக்குதல் நடத்தி வருகின்றன. ஈரான் – இஸ்ரேல் போர்இந்தத் தாக்குதலில் ஈரான் உச்ச தலைவர் அயதுல்லா அலி கமேனி அவரது குடும்பத்தினர், ஈரான் பாதுகாப்புத்துறை மந்திரி அமீர், ஈரான் புரட்சிப்படை தளபதி முகமது உள்ளிட்ட பலர் கொல்லப்பட்டிருக்கின்றனர். இந்தத் தாக்குதலைத் தொடர்ந்து இஸ்ரேல் மீதும் மத்திய கிழக்கில் அமெரிக்க படைத்தளங்கள் உள்ள நாடுகள் மீதும் ஈரான் தாக்குதல் நடத்தி வருகிறது. இந்த மோதலால் மத்திய கிழக்கில் பதற்றமான சூழல் நிலவி வருகிறது. வளைகுடா நாடுகளில் நிலவும் போர் சூழல் மற்றும் பதற்றம் காரணமாக, முக்கிய வான்வழிப் பாதைகள் மூடப்பட்டுள்ளன. இதனால் சர்வதேச விமானப் போக்குவரத்து கடுமையாகப் பாதிக்கப்பட்டிருக்கிறது.டேரன் சமிவிமானப் போக்குவரத்து பாதிப்பால் டி20 உலகக்கோப்பைக்காக இந்தியா வந்த வெஸ்ட் இண்டீஸ் அணியினரும், ஜிம்பாப்வே அணியினரும் நாடு திரும்ப முடியாமல் தவித்து வருகின்றனர். இந்த நிலையில் தான் ‘நான் வீட்டிற்கு செல்ல வேண்டும்’ என்று வெஸ்ட் இண்டீஸ் அணியின் பயிற்சியாளர் டேரன் சமி பதிவிட்டிருக்கிறார்.
Source link