விஜய் வீடியோ: தளபதி விஜய்யை கடைசியாக தியேட்டரில் பார்க்க இன்னும் மூன்று நாட்கள் இருக்கிறது. ஹெச். வினோத் இயக்கியிருக்கும் ஜனநாயகன் பட டிக்கெட் விற்பனை சூடுபிடித்திருக்கும் நிலையில் விஜய் டெல்லி சென்றிருக்கிறார் என்று ஒரு வீடியோ வெளியானது. அதுவும் ஜந்தர் மந்தரில் கரப்பான்பூச்சி ஜனதா கட்சி ஆட்கள் போராட்டம் நடத்தி வரும் இடத்திற்கு சென்றார் என்று கூறப்பட்டது.
காரில் அமர்ந்தபடி விஜய் வர, போலீசார் அவருக்கு பாதுகாப்பு அளிப்பது போன்ற வீடியோ வெளியாகி வைரலாகவே இவர் எதற்காக கரப்பான்பூச்சி ஜனதா கட்சியினரை பார்க்கச் சென்றார்?. டெல்லியில் ஏதோ பெரிதாக பிளான் போடுகிறார் போன்று என்று மக்கள் பேச ஆரம்பித்தார்கள். ஜனநாயகன் படம் பெரும் பிரச்சனைக்கு பிறகு ஒரு வழியாக ரிலீஸாகும் இந்த நேரத்தில் போராட்டக்காரர்களை பார்க்கச் சென்றிருக்கிறார் என்றால் விஜய்ணா மனதில் ஏதோ இருக்கிறது என்றார்கள் ரசிகர்கள்.
போலி என்ற போலீஸ்: இந்நிலையில் டெல்லியில் விஜய் என்று வலம் வந்த அந்த வீடியோவை பார்த்த டெல்லி போலீசாரே கமெண்ட் பாக்ஸில் பதில் அளித்துவிட்டார்கள். போலீஸ் தரப்பில் கூறப்பட்டிருப்பதாவது, இது பொய்யான தகவல் . இந்த வீடியோ டெல்லி ஜந்தர் மந்தரில் எடுக்கப்பட்டது கிடையாது. தயவு செய்து தவறான தகவலை பரப்ப வேண்டாம் என்று தெரிவிக்கப்பட்டிருக்கிறது.
விஜய் ஸ்மைல்: விஜய் ரசிகர்கள் எல்லாம் தற்போது ரொம்பவே சந்தோஷமாகவும், அதே சமயம் ஒரு வகையான சோகத்திலும் இருக்கிறார்கள். சந்தோஷத்திற்கு காரணம் ஜனநாயகன் ரிலீஸ். சோகத்திற்கு காரணம் விஜய்யை இனி புதுப்படங்களில் பார்க்க முடியாது என்பது தான்.
எங்கள் அண்ணன் என்று முதல்வரானாரோ அன்றே அவர் சந்தோஷம் எல்லாம் போனது மாதிரி இருக்கிறது. எதையோ பறிகொடுத்தது மாதிரியே இருக்கிறார். அவர் ஸ்மைல் தான் தனி அழகு. ஆனால் தற்போது சிரிப்பதை மறந்து உம்மென்று இருக்கிறார். அதை பார்க்கும் போது கஷ்டமாக இருக்கிறது என்கிறார்கள் தளபதி ரசிகர்கள்.
குட்டீஸ் சிக்கல்: விஜய் மாமாவுக்கு தான் ஓட்டு போட வேண்டும் என்று பெற்றோரிடம் தெரிவித்த குட்டீஸ்களால் தற்போது அவரின் கடைசி படத்தை தியேட்டரில் பார்த்து சந்தோஷப்பட முடியாத நிலையாகிவிட்டது. ஜனநாயகன் படத்தில் பல்வேறு திருத்தங்களை செய்யச் சொன்ன சென்சார் போர்டு அதற்கு ஏ சான்றிதழ் கொடுத்துவிட்டது.
ஏ சான்று என்றால் 18 வயதுக்குட்பட்டவர்கள் தியேட்டரில் அனுமதிக்கப்பட மாட்டார்கள். வழக்கமாக விஜய் படம் ரிலீஸானால் முதல் நாள் முதல் காட்சியை பார்க்கவே குட்டீஸ்கள் அதிக அளவில் தியேட்டர்களுக்கு வருவார்கள். அப்படி இருக்கும்போது ஜனநாயகன் படத்தை குட்டீஸ்களால் பார்க்க முடியாது. தமிழகத்தில் இருக்கும் எந்த தியேட்டரிலும் குழந்தைகளை அனுமதிக்கக் கூடாது என்று கறாராக கூறப்பட்டுள்ளதாம்.
டிக்கெட் விலை பயங்கரம்: இதற்கிடையே பெங்களூரில் ஜனநாயகன் படத்தின் முதல் நாள் முதல் காட்சிக்கான டிக்கெட் விலை ரூ. 1600 முதல் விற்கப்பட்டது பலரையும் அதிர்ச்சி அடைய வைத்திருக்கிறது. ஒரு குடும்பத்தில் நான்கு பேருக்கு டிக்கெட் வாங்கவே பெரும் தொகை தேவைப்படுகிறதே என்கிறார்கள்.
சூப்பர் ஸ்டார் பட்டம் வரலாறு மற்றும் முக்கிய நிகழ்வுகள்
இந்நிலையில் ஜனநாயகன் வருவதற்கு முன்பு பகவந்த் கேசரியை மீண்டும் ஒரு முறை பார்க்க ஆரம்பித்துவிட்டார்கள் சினிமா ரசிகர்கள். அனில் ரவிபுடியின் பகவந்த் கேசரியை தான் விஜய்க்கு ஏற்ற மாதிரி ஜனநாயன் எனும் பெயரில் ரீமேக் செய்திருக்கிறார் ஹெச். வினோத்.
Source link