சென்னை: தமிழக சட்டசபை தேர்தலில், காங்கிரஸ் கட்சிக்கு பிரசாரம் செய்யும், நட்சத்திர பேச்சாளர்கள் பட்டியல் வெளியாகி உள்ளது.
தமிழகத்தில், காங்கிரஸ் கட்சி சார்பில், பிரசாரம் செய்ய உள்ள, நட்சத்திர பேச்சாளர்கள் 40 பேரின் பெயர்கள் அடங்கிய பட்டியல், தேர்தல் கமிஷனிடம் வழங்கப்பட்டது. அதற்கு தேர்தல் கமிஷன் ஒப்புதல் அளித்துள்ளது.
அந்த பட்டியலில், காங்., தலைவர் கார்கே, லோக்சபா எதிர்க்கட்சி தலைவர் ராகுல், காங்., பொதுச்செயலர் பிரியங்கா, கர்நாடகா முதல்வர் சித்தராமய்யா, துணை முதல்வர் சிவகுமார், தெலுங்கானா முதல்வர் ரேவந்த்ரெட்டி, காங்., மூத்த தலைவர்கள் வேணுகோபால், சிதம்பரம், கிரிஷ் ஷோடங்கர் உள்ளிட்டோரின் பெயர்கள் இடம் பெற்றுள்ளன.