'குளுகுளு' குளிர்கால ஒலிம்பிக் * ரவுண்ட் அப்

அணி மாறிய பென்சிமா

ரியாத்: சவுதி அரேபியாவின் அல்-ஹிலால் கால்பந்து கிளப் அணியில் பிரான்சின் நட்சத்திர வீரர் கரிம் பென்சிமா இணைந்தார். அல்- இடிஹாத் அணியில் இருந்து விலகினார். இதனால் அல்- நாசர் அணிக்காக விளையாடும் கிறிஸ்டியானோ ரொனால்டோவுக்கு நெருக்கடி ஏற்பட்டுள்ளது. தற்போது சவுதி புரோ லீக் தொடரில் அல்- ஹிலால் அணி முதலிடத்தில் (47 புள்ளி) நீடிக்கிறது. அடுத்த இடத்தில் அல் -நாசர் (46) அணி உள்ளது. பென்சிமா வருகையால் அல்-ஹிலால் அணியின் ஆதிக்கம் தொடரலாம்.

* சர்வதேச டென்னிஸ் தரவரிசை, இரட்டையர் பட்டியலில் இந்தியாவின் யூகி பாம்ப்ரி, 2 இடம் முன்னேறி, 20 வது இடம் பெற்றார். போபண்ணாவுக்குப் பின், டென்னிஸ் இரட்டையர் தரவரிசையில் ‘டாப்-20’ பட்டியலில் இடம் பெற்ற இந்திய வீரர் ஆனார் யூகி பாம்ப்ரி.

* ஆசிய அணிகளுக்கான பாட்மின்டன் சாம்பியன்ஷிப் நேற்று சீனாவில் துவங்கியது. ஆண்கள் பிரிவில் சீனா அணி 5-0 என மக்காவை வீழ்த்தியது. பெண்கள் பிரிவில் ஜப்பான் அணி 5-0 என, ஹாங்காங்கை சாய்த்தது.

* டில்லியில் வரும் 2027ல் ஆசிய ரைபிள்/பிஸ்டல் துப்பாக்கிசுடுதல் சாம்பியன்ஷிப் நடக்க உள்ளது. இதில் சிறப்பாக செயல்படும் 8 வீரர், வீராங்கனைகள், 2028ல் அமெரிக்காவின் லாஸ் ஏஞ்சல்சில் நடக்க உள்ள ஒலிம்பிக் போட்டிக்கு தகுதி பெறலாம்.

* 2026ம் ஆண்டின் முதல் மல்யுத்த ‘ரேங்கிங்’ தொடர், குரோஷியாவின் ஜாக்ரெப்பில் இன்று துவங்குகிறது. இந்தியா சார்பில் அமன் ஷெராவத், சுஜீத், அன்டிம் உட்பட 41 பேர் கொண்ட அணி களமிறங்குகிறது.

* ஆசிய கோப்பை டேபிள் டென்னிஸ் தொடர் இன்று சீனாவின் ஹைய்கோவ் நகரில் துவங்குகிறது. பெண்கள் ஒற்றையரில் மணிகா பத்ரா, ஸ்வஸ்திகா, ஆண்கள் ஒற்றையரில் அன்குர் பட்டாச்சார்ஜீ, ஸ்னேஹித், ஆகாஷ் இடம் பெற்ற அணிக களமிறங்குகிறது.

* நார்வேயின் ஆஸ்லோவில் சர்வதேச செஸ் தொடர் வரும் மே 25-ஜூன் 5ல் நடக்க உள்ளது. இதில் உலக சாம்பியன், இந்தியாவின் குகேஷ் பங்கேற்க உள்ளார்.