சாத்விக்-சிராக் ஜோடி வெற்றி: சுவிஸ் ஓபன் பாட்மின்டனில்

சுவிட்சர்லாந்தின் பசல் நகரில், சுவிஸ் ஓபன் ‘சூப்பர் 300’ பாட்மின்டன் தொடர் நடக்கிறது. ஆண்கள் இரட்டையர் பிரிவு முதல் சுற்றில் இந்தியாவின் சாத்விக்சாய்ராஜ், சிராக் ஷெட்டி ஜோடி 21-19, 21-19 என்ற நேர் செட் கணக்கில் சிங்கப்பூரின் இங் கீட் வெஸ்லி கோ, ஜுன்சுகே குபோ ஜோடியை வீழ்த்தியது.

மற்றொரு முதல் சுற்றில் இந்தியாவின் ஹரிகரன், அர்ஜுன் ஜோடி 21-16, 24-22 என சீனதைபேயின் ஜி ரே சென், யூ சி லின் ஜோடியை தோற்கடித்தது.

ஆண்கள் ஒற்றையர் பிரிவு முதல் சுற்றில் இந்தியாவின் ஆயுஷ் ஷெட்டி, கனடாவின் பிரையன் யாங் மோதினர். இதில் ஏமாற்றிய ஆயுஷ் 18-21, 19-21 என்ற நேர் செட் கணக்கில் தோல்வியடைந்தார். மற்றொரு போட்டியில் இருந்து இந்திய வீரர் பிரனாய் விலகியதால், ஜப்பானின் கோகி வடானபே வெற்றி பெற்றதாக அறிவிக்கப்பட்டார்.

பெண்கள் ஒற்றையர் பிரிவு முதல் சுற்றில் இந்தியாவின் மாளவிகா 14-21, 14-21 என, சீனதைபேயின் சியு-பின்-சியானிடம் வீழ்ந்தார்.