சிறந்த வீராங்கனை அருந்ததி * ஐ.சி.சி., விருது

சர்வதேச கிரிக்கெட் கவுன்சில் (ஐ.சி.சி.,) சார்பில் ஒவ்வொரு மாதமும் சிறப்பாக செயல்படும் வீரர், வீராங்கனைக்கு விருது வழங்கி கவுரவிக்கப்படுகிறது. கடந்த பிப்ரவரி மாதத்தின் சிறந்த வீராங்கனை விருதுக்கு இந்தியாவின் அருந்ததி, இலங்கையின் ஹர்ஷித்தா, பாகிஸ்தானின் பாத்திமா என 3 பேர் பரிந்துரைக்கப்பட்டனர்.

தற்போது, அருந்ததி சிறந்த வீராங்கனையாக தேர்வு செய்யப்பட்டுள்ளார். சமீபத்திய ஆஸ்திரேலிய ‘டி-20’ தொடரில் இந்தியா 2-1 என தொடரை கைப்பற்றியது. இதில் வேகத்தில் அசத்திய அருந்ததி, 3 போட்டியில் (4/22, 2/30, 2/35) மொத்தம் 8 விக்கெட் வீழ்த்தி, கைகொடுத்தார்.

அருந்ததி கூறியது:

ஐ.சி.சி., மாத விருது வென்றது பெருமையாக உள்ளது. ஆஸ்திரேலிய மண்ணில் அந்த அணியை வீழ்த்துவது அவ்வளவு எளிதல்ல. வெற்றிக்கு உதவியதால் விருது கிடைத்துள்ளது, மிகவும் ‘ஸ்பெஷலானது’.

இவ்வாறு அவர் கூறினார்.