சிறை தண்டனைக்கு பதிலாக அபராதம் ரியல் எஸ்டேட் சட்டத்தை திருத்த முடிவு

சட்டம் என்ன சொல்கிறது?

ரியல் எஸ்டேட் துறையில் வெளிப்படைத்தன்மையை கொண்டுவரவும், நுகர்வோர் நலன்களைப் பாதுகாக்கவும் ரியல் எஸ்டேட் சட்டம்- 2016 கொண்டு வரப்பட்டது. அதன்படி, ரியல் எஸ்டேட் திட்டங்கள் அனைத்தையும் இதற்கான மாநில அமைப்பில் பதிவு செய்ய வேண்டும். அடுக்குமாடி குடியிருப்பு, வீட்டுமனை விற்போர் மற்றும் அவற்றை வாங்குவோர் (இவரே ஒதுக்கீடுதாரர் என அழைக்கப்படுகிறார்) இடையிலான’ பரஸ்பர ஒப்பந்தத்தை மீறினால் ரியல் எஸ்டேட் மேல்முறையீட்டு தீர்ப்பாயத்துக்கு வழக்கு செல்லும். அங்கு வழங்கப்பட்ட தீர்ப்பை ‘ஒதுக்கீடுதாரர்’ செயல்படுத்த மறுத்தால் அவருக்கு ஓராண்டு வரை சிறை தண்டனை விதிக்கப்படும்.