அர்ஜென்டினாவை வீழ்த்தி கோப்பையை வென்ற ஸ்பெயின்
FIFA கால்பந்து உலகக்கோப்பை இறுதிப்போட்டியில், அர்ஜென்டினாவை வீழ்த்தி கோப்பையை வென்று தாய் நாடு திரும்பிய ஸ்பெயின் அணி வீரர்களுக்கு மக்கள் உற்சாக வரவேற்பு அளித்தனர். பஸ்சில் இருந்தவாறு தலைநகர் மாட்ரிட்-ல் ஸ்பெயின் வீரர்கள் அணிவகுப்பு நடத்தினர்.
உலகக்கோப்பையுடன் இருந்த ஸ்பெயின் வீரர்களை காண குவிந்த லட்சக்கணக்கான மக்கள், அவர்களுக்கு அமோக வரவேற்பு அளித்தனர்.
அரினா சபலென்கா பெண்களுக்கான உலக தரவரிசையில் தொடர்ந்து முதலிடம்
பெலாரஸ் நாட்டை சேர்ந்த டென்னிஸ் வீராங்கனை அரினா சபலென்கா, பெண்களுக்கான உலக தரவரிசையில் நம்பர் 1 இடத்தை பிடித்து 100 வாரங்களை கடந்து சாதனை படைத்துள்ளார். மார்ச் மாதம் நடந்த மியாமி ஓபன் டென்னிஸ் தொடரில் சாம்பியன் பட்டம் வென்றார்.
அதற்கு பிறகு நடந்த மாட்ரிட் ஓபன், இத்தாலி ஓபன், பிரெஞ்சு ஓபன், விம்பிள்டன் டென்னிஸ் தொடர் ஆகியவற்றில் சபலென்கா தோல்வி அடைந்துள்ளார். ஆனாலும் சபலென்கா தொடர்ந்து தரவரிசையில் நம்பர் 1 இடத்தை தக்கவைத்து அசத்தியுள்ளார்.
விராட் கோலியுடனான உரையாடல் குறித்து பி.வி.சிந்து நெகிழ்ச்சி
ஜப்பான் ஓபன் பட்டத்தை வென்ற முதல் இந்திய பேட்மிண்டன் வீராங்கனை என்ற வரலாற்றுச் சாதனையை படைத்த பி.வி. சிந்து, தனது வெற்றிக்கு விராட் கோலியின் அறிவுரையும் ஒரு காரணம் என தெரிவித்துள்ளார்.
இது தொடர்பாக பேசிய பி.வி.சிந்து, தன் விளையாட்டு வாழ்க்கையின் மிகவும் கடினமான கட்டத்தில் விராட்கோலியை தொடர்பு கொண்டதாகவும், தாங்கள் என்ன பேசிக்கொண்டோம் என்பது தங்களுக்குள் மட்டுமே இருக்கும், ஆனால் தனக்கு மிகவும் தேவையான நேரத்தில் அவர் எனக்காக இருந்ததாக மகிழ்ச்சி தெரிவித்தார். சில உரையாடல்கள் வாழ்க்கையைப் பார்க்கும் பார்வையையே மாற்றிவிடும், அது அப்படிப்பட்ட ஒரு உரையாடலாக இருந்தது என பி.வி. சிந்து தெரிவித்தார்.