நமது நிருபர் தமிழகம், தேசிய மற்றும் சர்வதேச அளவில் இன்று நடக்கும் முக்கிய நிகழ்வுகள். இன்று (பிப்ரவரி 22)

அது எத்தனை மணிக்கு என்பது குறித்து ஓர் சிறப்பு அலசல். மேலும் தொடர்ந்து விவரங்களை அறிய தினமலர் இணையதளம் தொடர்ந்து படியுங்கள்.

* கூட்டணி கட்சிகளுடன் தொகுதி பங்கீடு பேச்சுவார்த்தையை திமுக இன்று(பிப்ரவரி 22) முதல் துவங்குகிறது. வழக்கம்போல் முஸ்லீம் லீக் கட்சிக்கு முதல் அழைப்பு விடுக்கப்பட்டுள்ளது. இந்த பேச்சுவார்த்தை சென்னையில் திமுக கட்சி தலைமையகத்தில் நடைபெற உள்ளது.

* நாட்டின் முதல் பிராந்திய விரைவு ரயில் திட்டத்தை பிரதமர் மோடி இன்று துவக்கி வைக்கிறார். மீரட்- டில்லி இடையிலான நமோ பாரத் ரயில் சேவையை பிரதமர் மக்களுக்கு அர்ப்பணிக்கிறார்

* டி20 உலகக்கோப்பை தொடரின் சூப்பர் 8 சுற்றில் இன்று நடைபெறும் போட்டியில் இந்தியா-தென் ஆப்ரிக்கா அணிகள் மோதுகின்றன. இந்த போட்டி இரவு 7 மணிக்கு ஆமதாபாத்தில் நடைபெற உள்ளது. இந்தியா – தென் ஆப்ரிக்கா அணிகள் இதுவரை டி20 உலகக்கோப்பையில் 7 முறை நேருக்கு நேர் சந்தித்ததில் இந்தியா 5-2 என்ற கணக்கில் முன்னிலை வகிக்கிறது

* இலங்கை கொழும்புவில் மதியம் 3 மணிக்கு நடக்கும் மற்றொரு போட்டியில் இலங்கை-இங்கிலாந்து அணிகள் பலப்பரீட்சை நடத்துகின்றன.

* இந்தியப் பெருங்கடல் மற்றும் அதை ஒட்டிய தென்கிழக்கு வங்கக்கடலில் குறைந்த காற்றழுத்தப் பகுதி உருவாகி உள்ளது. இன்று முதல் நாளைக்குள் மேற்கு – வடமேற்கு நோக்கி நகர்ந்து தென்மேற்கு வங்காள விரிகுடா, இந்தியப் பெருங்கடலில் மேலும் வலுவடையும் என இந்திய வானிலை மையம் கணித்துள்ளது.

* கன்னியாகுமரி, தென்காசி, தூத்துக்குடி, திருநெல்வேலி, திருவாரூர், ராமநாதபுரம், விருதுநகர் நாகை ஆகிய 8 மாவட்டங்களில் இன்று கனமழை பெய்ய வாய்ப்புள்ளது என சென்னை வானிலை மையம் தெரிவித்துள்ளது.