புதுச்சேரி: புதுச்சேரி சட்டசபை தேர்தலில் போட்டியிட, நடிகர் விஜயின் தவெகவுக்கு விசில் சின்னத்தை தேர்தல்

தவெக கட்சியை ஆரம்பித்துள்ள நடிகர் விஜய், சட்டசபை தேர்தல்களத்தில் இறங்கி உள்ளார். தமிழகத்தில் தேர்தலுக்கான பணிகளை துவங்கி உள்ள அவர், தம்மிடம் கூட்டணி வைப்பவர்களுக்கு ஆட்சி அதிகாரத்தில் பங்கு தருவதாக அறிவித்துள்ளார். ஆனால் இப்போது வரை எந்த கட்சியும் கூட்டணிக்கான சமிக்ஞையை தரவில்லை.

தமிழக சட்டசபை தேர்தலில் போட்டியிட விருப்ப மனு பெற்றுக் கொள்ளலாம் என்று அறிவித்து, பல்வேறு பகுதிகளில் மாநாட்டில் கலந்து கொண்டு தொண்டர்களை உற்சாகப்படுத்தி வருகிறார். தமிழகத்தில் அக்கட்சிக்கு விசில் சின்னம் ஒதுக்கப்பட்டு இருக்கிறது. இந்த சின்னத்தால் குஷியான தவெக தொண்டர்கள், அனிச்சையாகவே விசில் சின்னத்தை மக்கள் மத்தியில் பிரபலபடுத்தி வருகின்றனர்.

இந் நிலையில், தமிழகத்தை தொடர்ந்து புதுச்சேரி சட்டசபை தேர்தலிலும் தவெகவுக்கு விசில் சின்னத்தை தேர்தல் கமிஷன் ஒதுக்கி அதற்கான அதிகாரப்பூர்வ அறிவிப்பையும் வெளியிட்டு உள்ளது. இதன் மூலம் தமிழகம் மற்றும் புதுச்சேரியில் தாம் போட்டியிடும் கன்னி தேர்தலிலே தவெகவுக்கு பொது சின்னமான விசில் கிடைத்து, அதிலே களம் காண்பது குறிப்பிடத்தக்கது.