மானவ், யாஷஸ்வினி கலக்கல்: தேசிய டேபிள் டென்னிசில்

மத்திய பிரதேசத்தின் இந்துாரில், சீனியர் தேசிய டேபிள் டென்னிஸ் சாம்பியன்ஷிப் தொடர் நடந்தது. ஆண்கள் ஒற்றையர் பிரிவு பைனலில், பெட்ரோலியம் விளையாட்டு மேம்பாட்டு அணியின் மானவ் தாக்கர், ரயில்வே அணியின் ஜீத் சந்திரா மோதினர். இதில் மானவ் 4-1 (11-2, 11-4, 6-11, 11-9, 11-3) என்ற கணக்கில் வெற்றி பெற்று, முதல் முறையாக தேசிய பட்டத்தை கைப்பற்றினார்.

பெண்கள் ஒற்றையர் பிரிவு பைனலில், பெட்ரோலியம் அணியின் யாஷஸ்வினி கோர்படே, சின்ட்ரேலா தாஸ் மோதினர். இதில் யாஷஸ்வினி 4-3 (11-6, 12-14, 11-5, 9-11, 13-11, 11-8) என்ற கணக்கில் வெற்றி பெற்று, தனது முதல் தேசிய பட்டத்தை தட்டிச் சென்றார்.

கலப்பு இரட்டையர் பிரிவு பைனலில் அங்கூர் பட்டாசார்ஜி (மேற்கு வங்கம்), சுஹானா சைனி (ஹரியானா) ஜோடி 3-2 (11-9, 11-7, 9-11, 13-15, 12-10) என, மேற்கு வங்கத்தின் அனிகேத் போஸ், சம்பிரிதி ராய் ஜோடியை வீழ்த்தி சாம்பியன் ஆனது.