அதேபோல் தேசிய சட்ட சேவைகள் ஆணையம் எதிர் இந்திய ஒன்றியம் வழக்கிலும், நீதியரசர் கே.எஸ்.புட்ட சுவாமி எதிர் இந்திய ஒன்றியம் வழக்கிலும் உச்ச நீதிமன்றம் வழங்கிய வரலாற்று சிறப்பு மிக்க தீர்ப்புகளும் அப்பட்டமாக மீறப்பட்டுள்ளன. இது பாஜக- ஆர்எஸ்எஸ் அமைப்புகளின் சித்தாந்த உண்மை முகத்தை வெளிப்படுத்துகிறது. மத்திய அரசின் சட்டத்திருத்த மசோதா மாற்றுப் பாலினத்தினர்களை சமூகத்தில் இருந்து வெளியேற்றி, சமூக ஒடுக்குமுறை தாக்குதல் களத்துக்கு தள்ளிவிடும்.
மனித உரிமைகளை பறிக்கும் மாற்று பாலினத்தினர் நலனுக்கு எதிரான சட்டத்திருத்த மசோதாவுக்கு குடியரசுத் தலைவர் ஒப்புதல் அளிக்காமல், மத்திய அரசுக்கு திருப்பி அனுப்ப வேண்டும். எதிர்மறை நோக்கங்கள் கொண்ட சட்டத் திருத்த மசோதாவை திருநங்கைகள் மற்றும் அவர்களது அமைப்பு பிரதிநிதிகள், தொழிற்சங்க பிரதிநிதிகள் உள்ளிட்ட சமூக செயற்பாட்டாளர்கள் விரிவாக விவாதித்து உரிய திருத்தங்களை சேர்க்க வேண்டும். இவ்வாறு அவர் வலியுறுத்தியுள்ளார்.