தவெக கூட்டணியில் அங்கம் வகிக்கிறது. விசிக. மதுராந்தகம் மற்றும் தாராபுரம் இடைத்தேர்தல் முடிவுக்கு பிறகு தவெக கூட்டணியில் பாமக இணைய உள்ளதாக தகவல் வெளியானது.இதற்கு விசிகவினர் கடும் எதிர்ப்பு தெரிவித்தனர்.தொடர்ந்து அக்கட்சியின் தலைவர் திருமாவளன் ஆளும் தவெக அரசை விமர்சித்தும், திமுகவுக்கு ஆதரவாக பேசிவருகிறார்.
அதிகார அமைப்புகளின் ஒடுக்குமுறை
விசிக கூட்டணியில் பாமக நுழைந்தால் கூட்டணியை விட்டு வெளியேறும் என்று பகிரங்க எச்சரிக்கை விடுத்தார். இதனால் திருமாவளவன் மீண்டும் இணைய போகிறாரா? என்ற கேள்வி எழுந்தது. மேலும் தவெக கூட்டணியில் இருந்துக்கொண்டு இரட்டை மனநிலையில் இருப்பதாக அரசியல் வட்டாரத்தில் விமர்சனங்கள் எழுந்தது.இந்த நிலையில், விசிக தவிர்க்க முடியாத சக்தியாக மாறியுள்ளது என்று கூறியுள்ளார். இது குறித்து திருவண்ணாமலைநிகழ்ச்சி ஒன்றில் பேசினார். அப்போது அவர் பேசியிருப்பதாவது : அதிகார அமைப்புகளின் ஒடுக்குமுறை சமூகத்தில் சாதிய வெறியர்களுக்கும், தங்களின் அடிப்படை உரிமைகளுக்காகப் போராடும் ஒடுக்கப்பட்ட மக்களுக்கும் இடையே ஏற்படும் மோதல்களில், காவல் துறை நடுநிலை தவறாமல் ஒதுங்கி நின்றாலே மிகப்பெரிய சமூக மாற்றமும் புரட்சியும் சாத்தியமாகும் என்ற கருத்து முன்வைக்கப்படுகிறது. ஆனால், நடைமுறையில் சாதியவாதிகளைப் பாதுகாக்கும் அரணாகவே காவல் நிலையங்களும் அரசுக் கட்டமைப்புகளும் செயல்படுகின்றன.
சாதியவாதிகளுக்குத் தனித்தனியாக ஆயுதங்களை வழங்குவதற்குப் பதிலாக, காவல் நிலையங்கள் என்ற பெயரில் பொதுக் கட்டமைப்புகளை உருவாக்கி, அங்கே ஆயுதங்கள் குவிக்கப்பட்டு ஒடுக்கப்பட்ட மக்களுக்கு எதிராகப் பயன்படுத்தப்படுவதாகக் குற்றச்சாட்டுகள் முன்வைக்கப்படுகின்றன. 1990-கள் முதலே நிலைமை இதில் பெரிய மாற்றமின்றி நீடிப்பதாகச் சுட்டிக்காட்டினார்.
விளிம்புநிலை மக்களின் எழுச்சியும் முற்போக்கு சிந்தனையாளர்களும்
இந்தியா முழுவதும் உள்ள விளிம்புநிலை மக்களின் சமூக, அரசியல் எழுச்சியைத் தடுப்பதிலும், அவர்களை ஒடுக்குவதிலும் ஆளும் வர்க்கமும், அதிகார அமைப்புகளும் தீவிரமாகச் செயல்பட்டு வருகின்றன. இத்தகைய ஒடுக்குமுறைகளுக்கு இடையே, எவ்விதக் கட்டாயமும் இன்றி தங்களின் சொந்த பாதுகாப்பைப் பொருட்படுத்தாமல் களத்தில் இறங்கிச் செயல்படும் தோழர் ஜோஸ், தோழர் லூசி போன்ற முற்போக்குச் சிந்தனையாளர்களின் பங்களிப்பு மிக முக்கியமானது.
அவர்கள் தங்களின் தனிப்பட்ட பாதுகாப்பைத் தேர்ந்தெடுத்து, போராட்டங்களிலிருந்து விலகி வேடிக்கை பார்க்க முடியும்; வழக்குகள், கைது நடவடிக்கைகள் மற்றும் காவல் துறையின் அச்சுறுத்தல்களைத் தவிர்க்க முடியும். இருப்பினும், அவர்கள் ஒடுக்கப்பட்ட மக்களோடும் விடுதலை சிறுத்தைகளோடும் கைகோர்த்துப் போராடத் துணிந்துள்ளதாக கூறினார்.
வரலாற்று வழிகாட்டலும் தத்துவமும்
இத்தகைய முற்போக்குச் சிந்தனையாளர்களைக் களத்திற்கு கொண்டுவந்து நிறுத்துவது இயேசுவின் போதனைகளும், அநீதிக்கு எதிரான அவரது வாழ்க்கையுமே ஆகும். இயேசு எவ்வித வன்முறைச் செயல்களிலும் ஈடுபடாதபோதிலும், அவர் சிலுவையில் அறையப்பட்டதற்குக் காரணம் – அன்றைய ஆதிக்க சக்திகளுக்கும், சுரண்டல் அமைப்புகளுக்கும், ஆளும் வர்க்கத்திற்கும் எதிராகச் சிந்தித்ததும், அச்சந்தனைகளை மக்களிடம் பரப்பியதுமே ஆகும்.
அதேபோல், அநீதிக்கும் ஆதிக்கத்திற்கும் எதிராகப் போராடும் முற்போக்குச் சிந்தனையாளர்கள், இயேசுவின் போதனைகளை உணர்ந்து, சிறுத்தைகளுடன் கரம் கோர்த்து நீதிக்கான களத்தில் இணைந்து நிற்கின்றனர். சாதிய அமைப்பையும், அதற்குத் துணைநிற்கும் அதிகார வர்க்கத்தையும் எதிர்த்துப் போராடுவதே தற்போதைய முதன்மைத் தேவையாக உள்ளது. விசிக தற்போது அரசியலில் தவிர்க்க முடியாத சக்தியாக மாறியுள்ளது. இதனால் சாதி வெறியர்களால் தாங்கிக்கொள்ள முடியவில்லை என்று கூறினார்.