தேசிய விருதுகள் அதிருப்தி: 72வது தேசிய விருதுகள் வென்றவர்களின் பெயர் பட்டியலை பார்த்து சிலர் சந்தோஷப்பட்டிருக்கிறார்கள், சிலர் அதிருப்தி அடைந்துள்ளனர். ஆடு ஜீவிதம், தங்கலான் ஆகிய படங்களில் அவ்வளவு அழகாக நடித்த ப்ரித்விராஜ், சீயான் விக்ரமுக்கு சிறந்த நடிகருக்கான தேசிய விருது கிடைக்காமல் போனது அந்த விருது மீதான நம்பிக்கையை இழக்க வைத்துவிட்டது.
பிரம்மயுகத்திற்காக மம்மூட்டிக்கு தேசிய விருது கொடுத்ததை குறை சொல்லவில்லை. ஆனால் சந்தி சாம்பியனுக்காக கார்த்திக் ஆர்யனுக்கு சிறந்த நடிகர் விருது கொடுக்கும்போது ப்ரித்விராஜ், விக்ரமுக்கு ஏன் கொடுக்கவில்லை என்று தான் கேட்கிறோம் என்கிறார்கள் சினிமா ரசிகர்கள்.
விஜய் சேதுபதி , சிவகார்த்திகேயன் : மகாராஜா படத்தில் சிறப்பாக நடித்த சாச்சனாவுக்கு சிறந்த துணை நடிகைக்காக தேசிய விருது கிடைத்திருக்கிறது. ஆனால் அதே படத்தில் அந்த கதாபாத்திரமாகவே வாழ்ந்த மக்கள் செல்வன் விஜய் சேதுபதிக்கு ஏன் விருது கிடைக்கவில்லை என்று ரசிகர்கள் கேட்கிறார்கள். அது மட்டும் அல்ல சிறந்த இயக்குநர், இசையமைப்பாளர், எடிட்டர் விருதுகளை வென்றது அமரன் படம் . ஆனால் அமரன் ஹீரோ சிவகார்த்திகேயனுக்கு ஏன் விருது கிடைக்காமல் செய்தார்கள் என எஸ்.கே. ரசிகர்கள் கேட்கிறார்கள்.
கலா விளக்கம்: மேலும் வன்முறை அதிகம் இருந்த ராயனுக்கு எந்த அடிப்படையில் சிறந்த தமிழ் படத்திற்கான தேசிய விருது கிடைத்தது என்றும் கேட்டுக் கொண்டிருக்கிறார்கள். இந்நிலையில் தேசிய விருது ஜுரியில் ஒருவராக இருந்த கலா மாஸ்டரிடம் இது குறித்து கேட்கப்பட்டது. அதற்கு அவரோ, கடும் போட்டியாக இருந்தது. 400 படங்கள் பார்த்தோம். யாருக்கு கொடுப்பது என்றே தெரியாத அளவுக்கு போட்டி. மகாராஜா படத்தில் அந்த பெண்ணுக்கு விருது கிடைத்திருக்கிறது. நாம் நினைப்பது மாதிரி இல்லை. இது ரொம்ப டஃபாக எடுத்த முடிவு. ராயன் படத்தை அவ்வளவு அழகாக இயக்கியிருக்கிறார் நம்ம தனுஷ். படம் ரொம்ப நல்லா நடித்திருப்பாங்க.
சிறந்த நடிகரை தேர்வு செய்ய இந்த முறை ரொம்ப ரொம்ப கடினமாக இருந்தது. பிரம்மயுகத்தில் மம்மூட்டி சார் வேற லெவலில் நடித்திருக்கிறார். இந்தி நடிகரும் நன்றாக நடித்திருந்தார். தனுஷும் இருந்ததால் பயங்கர போட்டியாக இருந்தது. அதன் பிறகே நாங்கள் ஜுரி வந்து தனுஷ் சாருக்கு ஓட்டு எடுத்து ஸ்பெஷல் மென்ஷன் கொடுத்தோம். ஹாட்ஸ் ஆஃப் தனுஷ் சார். இது சாதாரண விருது கிடையாது என்றார்.
விஜய் வாழ்த்து: இந்நிலையில் தேசிய விருது வென்ற தமிழ் சினிமா கலைஞர்களை வாழ்த்திருயிருக்கிறார் முதல்வர் ஜோசப் விஜய். அது தொடர்பான அறிக்கையை எக்ஸ் தளத்தில் பார்த்த தனுஷோ, ரொம்ப நன்றி சார் என தெரிவித்துள்ளார். தனுஷின் பதிலை விஜய் ரசிகர்கள் ரீட்வீட் செய்து வருகிறார்கள். முன்னதாக விருதுகள் அறிவிக்கப்பட்டதுமே தனக்கு இரண்டு தேசிய விருதுகள் கிடைத்திருப்பதற்கு சந்தோஷப்பட்டு அனைவருக்கும் நன்றி தெரிவித்தார் தனுஷ். ஒரு இயக்குநராக தேசிய விருது பெறுவதை மறக்கவே மாட்டேன் என்கிறார் அவர்.
சூப்பர் ஸ்டார் பட்டம் வரலாறு மற்றும் முக்கிய நிகழ்வுகள்
ராயனுக்கு தேசிய விருது கிடைத்துவிட்டது. அடுத்து ராயன் 2 படம் எடுக்கலாம் அல்லவா என தனுஷிடம் ரசிகர்கள் கேட்டு வருகிறார்கள்.
Source link