வெள்ளி வென்றார் நீலம்

குரோஷியாவின் ஜாக்ரெப் நகரில், சர்வதேச மல்யுத்த ஓபன் ‘ரேங்கிங்’ தொடர் நடக்கிறது. நேற்று பெண்களுக்கான பிரீஸ்டைல் போட்டிகள் நடந்தன. 50 கிலோ பிரிவு பைனலில் இந்தியாவின் நீலம், ஜப்பானின் ஹாருனா மோதினர். இதில் நீலம் 2-5 என்ற கணக்கில் தோல்வியடைய, வெள்ளிப்பதக்கம் கிடைத்தது.

மற்றொரு வீராங்கனை முஸ்கான், 10-0 என போலந்தின் அகதா மார்டாவை வீழ்த்தி, வெண்கலப் பதக்கம் கைப்பற்றினார். 55 கிலோ பிரிவு காலிறுதியில் இந்தியாவின் ஜோதி, 0-7 என ஜப்பானின் நகசியாவிடம் தோல்வியடைந்தார்.

ஆண்கள் 65 கிலோ பிரிவில், இந்தியாவின் சுஜீத், 0-3 என ஈரானின் பேமன் அலியை சாய்த்து, தங்கம் கைப்பற்றினார். இந்தியாவின் அமன் ஷெராவத் (61) வெள்ளிப்பதக்கம் பெற்றார். மற்ற போட்டிகளில் அபிமன்யு (70), விக்கி (97), தினேஷ் (127) வெண்கலப் பதக்கம் கைப்பற்றினர். இதுவரை இத்தொடரில் 1 தங்கம், 2 வெள்ளி, 4 வெண்கலம் என இந்தியா 7 பதக்கம் வென்றுள்ளது.