ஸ்குவாஷ்: காலிறுதியில் ஜோஷ்னா

மும்பையில் இந்தியன் ஓபன் ஸ்குவாஷ் தொடர் நடக்கிறது. பெண்கள் ஒற்றையரில் இந்தியாவின் முன்னணி வீராங்கனை அனாஹத் சிங் 18, நேரடியாக இரண்டாவது சுற்றில் பங்கேற்றார். இதில் எகிப்தின் பரிதா வாலித்தை எதிர்கொண்டார். முதல் செட்டை 11-6 என வென்ற அனாஹத், அடுத்த செட்டை 11-9 என கைப்பற்றினார். தொடர்ந்து 3வது செட்டையும் 11-5 என வசப்படுத்தினார். முடிவில் அனாஹத், 3-0 என்ற நேர் செட்டில் வெற்றி பெற்று, காலிறுதிக்கு முன்னேறினார்.

மற்றொரு இரண்டாவது சுற்றில் இந்தியாவின் சீனியர் வீராங்கனை ஜோஷ்னா சின்னப்பா 39, அயர்லாந்தின் பிராயான்னே பிளைனை சந்தித்தார். இதில் ஜோஷ்னா 3-1 என்ற (12-10, 11-4, 8-11, 11-9) செட் கணக்கில் வெற்றி பெற்று, காலிறுதிக்குள் நுழைந்தார். இந்தியாவின் தான்வி கன்னா, 3-0 என (11-5, 11-9, 11-9) என எகிப்தின் நுார் கபாஹியை சாய்த்து, காலிறுதிக்கு முன்னேறினார்.

ஆண்கள் அதிர்ச்சி

ஆண்கள் ஒற்றையர் இரண்டாவது சுற்றில் இத்தொடரில் ‘நம்பர்-3’ அந்தஸ்து பெற்ற இந்தியாவின் ரமித் டான்டன், 0-3 என (9-11, 4-11, 9-11) மலேசியாவின் துகான் லீயிடம் தோல்வியடைந்தார்.

மற்றொரு போட்டியில் இந்தியாவின் வேலவன் செந்தில் குமார், 0-3 என (8-11, 9-11, 9-11) என மலேசிய வீரர் அமீஷன்ராஜிடம் வீழ்ந்தார்.