வாஷிங்டன்: ஈரானின் புதிய ஆட்சியாளராக கமேனியின் மகன் மொஜ்தபாவை ஏற்றுக் கொள்ள முடியாது; என்னை கேட்டுத்தான்

இது குறித்து செய்தி சேனலுக்கு டிரம்ப் அளித்த பேட்டி: ஈரான் தங்கள் நேரத்தை வீணடிக்கிறார்கள். கமேனியின் மகன் இலகுவானவர். வெனிசுலாவில் புதிய அதிபர் நியமனத்தில் நடந்தது போல, நான் இந்த நியமனத்தில் ஈடுபட வேண்டும். என்னை கேட்டுத்தான் புதிய ஆட்சியாளரை தேர்வு செய்ய வேண்டும். கமேனியின் மகனை ஏற்றுக்கொள்ள முடியாது. ஈரானுக்கு நல்லிணக்கத்தையும் அமைதியையும் கொண்டு வரக்கூடிய ஒருவரை நாங்கள் விரும்புகிறோம்.

அமெரிக்க ராணுவம், இஸ்ரேல் கூட்டாளிகளுடன் சேர்ந்து, எதிரியை திட்டமிட்டதை விட மிக முன்னதாகவே, மக்கள் இதற்கு முன்பு பார்த்திராத அளவில் தொடர்ந்து அழித்து வருகிறது. ஒவ்வொரு மணி நேரமும் ஈரானின் ஏவுகணைகள் மற்றும் ட்ரோன் திறனை நாங்கள் அதிகமாக அழித்து வருகிறோம். என்ன நடக்கிறது என்று அவர்களுக்குத் தெரியவில்லை. அவர்களின் கடற்படை பலத்த சேதத்தை சந்தித்துள்ளது. மூன்று நாட்களில் 24 கப்பல்கள் தாக்கப்பட்டன. அவர்கள் பேச்சுவார்த்தைக்கு அழைக்கிறார்கள்; நாம் எப்படி ஒரு ஒப்பந்தம் செய்வது? என்று கேட்கிறார்கள். நான், ‘நீங்கள் கொஞ்சம் தாமதமாக வருகிறீர்கள்’ என்று சொன்னேன்.

ஈரான் புரட்சிகர காவல்படை, ராணுவம் மற்றும் போலீசார் தங்கள் ஆயுதங்களை கீழே போடுமாறு நான் மீண்டும் ஒருமுறை அழைப்பு விடுக்கிறேன். அவர்கள் கொல்லப்படுவார்கள். உலகெங்கிலும் உள்ள ஈரான் ராஜதந்திரிகளை தஞ்சம் கோரவும், புதிய மற்றும் சிறந்த ஈரானை பெரும் ஆற்றலுடன் வடிவமைக்க எங்களுக்கு உதவவும் நாங்கள் வலியுறுத்துகிறோம். அடுத்து ஈரானை யார் வழிநடத்தினாலும், அமெரிக்காவையோ அல்லது அதன் அண்டை நாடுகளையோ அச்சுறுத்தாது என்பதை அமெரிக்கா உறுதி செய்யும். இவ்வாறு அதிபர் டிரம்ப் கூறினார்.