இங்கிலாந்து பாட்மின்டன்: பைனலில் லக்சயா

பர்மிங்காமில், ஆல் இங்கிலாந்து ஓபன் பாட்மின்டன் தொடர் நடக்கிறது. ஆண்கள் ஒற்றையர் பிரிவு அரையிறுதியில் இந்தியாவின் லக்சயா சென், கனடாவின் விக்டர் லாய் மோதினர். முதல் செட்டை 21-16 எனக் கைப்பற்றிய லக்சயா, இரண்டாவது செட்டை 18-21 என போராடி இழந்தார். வெற்றியாளரை நிர்ணயிக்கும் மூன்றாவது செட்டில் எழுச்சி கண்ட லக்சயா 21-15 என வென்றார்.

ஒரு மணி நேரம், 37 நிமிடம் நீடித்த போட்டியில் லக்சயா சென் 21-16, 18-21, 21-15 என்ற கணக்கில் வெற்றி பெற்று, இத்தொடரில் 2வது முறையாக பைனலுக்கு முன்னேறினார். ஏற்கனவே 2022ல் பைனல் வரை சென்று, 2வது இடம் பிடித்திருந்தார்.