அமெரிக்க ராணுவத்தின் வலிமைக்கு ஈடுஇணை ஏதுமில்லை; டிரம்ப்

அமெரிக்காவின் வெள்ளை மாளிகையில் நடந்த நிகழ்ச்சியில் அதிபர் டிரம்ப் பேசியதாவது: ஈரான் தொடர்பான சூழல் மிக வேகமாக நகர்ந்து கொண்டிருக்கிறது. நிலைமை நமக்கு சாதகமாகவே உள்ளது. எங்கள் ராணுவத்தின் வலிமைக்கு ஈடுஇணை ஏதுமில்லை. இது போன்றதொரு ராணுவ வலிமையை இதற்கு முன் எவரும் கண்டதில்லை. செய்யப்பட வேண்டிய சரியான நடவடிக்கைகளை நாங்கள் மேற்கொண்டு வருகிறோம்.

ஈரான் உண்மையில் பயங்கரவாதத்தையும், வெறுப்பையும் அடிப்படையாகக் கொண்ட ஒரு நாடாகவே திகழ்கிறார்கள்; அதற்கான மிகக் கடுமையான விளைவுகளை அவர்கள் தற்போது சந்தித்து கொண்டிருக்கிறார்கள். ஒரு காலகட்டத்தில், நாங்கள் மிகவும் வெற்றிகரமான முதல் பதவிக்காலத்தைக் கொண்டிருந்தோம்; அதுவே வரலாற்றிலேயே மிகச்சிறந்த பொருளாதாரக் காலகட்டமாகவும் அமைந்தது. நாங்கள் பல மகத்தான சாதனைகளைச் செய்தோம். எங்கள் ராணுவத்தை நாங்கள் மீண்டும் வலுப்படுத்தினோம்.

தற்போது எங்கள் ராணுவம் இவ்வளவு சிறப்பாகச் செயல்படுவதற்கு அதுவும் ஒரு முக்கிய காரணமாகும். ராணுவத்தை நான் இவ்வளவு அதிகமாகப் பயன்படுத்த வேண்டியிருக்கும் என்று ஒருபோதும் நினைத்ததில்லை. வெனிசுலாவில் அமெரிக்க ராணுவத்தினர் ஆற்றிய பணிகளையும், தற்போது ஈரானில் அவர்கள் மேற்கொண்டு வரும் நடவடிக்கைகளையும் நீங்கள் உற்று நோக்கினால், அது உண்மையிலேயே பிரமிக்கத்தக்க வகையில் அமைந்துள்ளது.

யூத வழிபாட்டுத் தலம் ஒன்றின் மீது நடத்தப்பட்ட தாக்குதல் நடத்தப்பட்டுள்ளது. மிச்சிகன் மாகாணத்தில் உள்ள யூத சமூகத்தினர் அனைவருக்கும் எங்களின் அன்பைத் தெரிவித்துக் கொள்ள விரும்புகிறேன். இச்சம்பவம் குறித்த முழுமையான விவரங்கள் எனக்குத் தெரிவிக்கப்பட்டுள்ளன; இது மிகவும் துயரமான ஒரு நிகழ்வுதான் என்றாலும், இத்தகைய சம்பவங்கள் தொடர்ந்து நிகழ்ந்துகொண்டே இருக்கின்றன. நாங்கள் இந்தச் சம்பவத்தின் ஆணிவேர் வரை சென்று, உண்மையை முழுமையாகக் கண்டறிவோம். இவ்வாறு அதிபர் டிரம்ப் பேசினார்.