கிரண் ஜார்ஜ் வெற்றி: சுவிஸ் ஓபன் பாட்மின்டனில்

சுவிட்சர்லாந்தின் பசல் நகரில், சுவிஸ் ஓபன் ‘சூப்பர் 300’ பாட்மின்டன் தொடர் நடக்கிறது. ஆண்கள் ஒற்றையர் பிரிவு முதல் சுற்றில் இந்தியாவின் கிரண் ஜார்ஜ், சிங்கப்பூரின் லோ கீன் யேவ் மோதினர். இதில் கிரண் ஜார்ஜ் 23-21, 21-19 என்ற நேர் செட் கணக்கில் வெற்றி பெற்றார்.

மற்றொரு போட்டியில் இந்தியாவின் தருண், ஜப்பானின் கென்டா நிஷிமோட்டோ மோதினர். இதில் தருண் 16-21, 21-16, 7-2 என முன்னிலையில் இருந்த போது ஜப்பான் வீரர் காயத்தால் பாதியில் விலகினார். இதனையடுத்து தருண் வெற்றி பெற்றதாக அறிவிக்கப்பட்டார்.

பெண்கள் ஒற்றையர் பிரிவு முதல் சுற்றில் இந்தியாவின் மாளவிகா, தாய்லாந்தின் போர்ன்பாவீ சோச்சுவாங் மோதினர். இதில் ஏமாற்றிய மாளவிகா 11-21, 15-21 என தோல்வியடைந்தார்.

கலப்பு இரட்டையர் பிரிவு முதல் சுற்றில் இந்தியாவின் துருவ் கபிலா, தனிஷா கிராஸ்டோ ஜோடி 21-15, 21-14 என டென்மார்க்கின் ஜெஸ்பர் டோப்ட், அமாலி ஜோடியை வீழ்த்தியது.