பார்லி.,யில், எதிர்க்கட்சி எம்.பி.,க்கள் கடும் அமளியில் இறங்கி ரகளையில் ஈடுபட்டதை அடுத்து, ஜனாதிபதி உரைக்கு

நிஷிகாந்த் துபே மீது காங்., புகார் லோக்சபாவில் நேற்று, பா.ஜ., – எம்.பி., நிஷிகாந்த் துபே, முன்னாள் பிரதமர்கள் மறைந்த நேரு, இந்திரா ஆகியோர் குறித்து சில புத்தகங்களை மேற்கோள்காட்டி விமர்சித்தார். இதற்கு காங்., – எம்.பி.,க்கள் கடும் எதிர்ப்பு தெரிவித்தனர். இது தொடர்பாக, சபாநாயகர் ஓம் பிர்லாவிடம் புகார் அளிக்க, அவரது அறைக்கு காங்., – எம்.பி.,க்கள் சென்றனர். அப்போது, மத்திய அமைச்சர் கிரண் ரிஜிஜு, நிஷிகாந்த் துபே அங்கிருந்தனர். அங்கும் இரு தரப்பினரிடையே வாக்குவாதம் ஏற்பட்டது. இதையடுத்து, எழுத்துப்பூர்வமாக புகார் அளிக்கும்படி காங்., – எம்.பி.,க்களுக்கு சபாநாயகர் அறிவுறுத்தினார். காங்., – எம்.பி., வேணுகோபால் கூறுகையில், ”ராகுல் பேசும் போது விதிகளை மீறுவதாகக் கூறும் மத்திய அரசு, நிஷிகாந்த் துபே புத்தகங்களை வாசிக்கும் போது அமைதி காப்பது ஏன்? இது ஜனநாயகப் படுகொலை,” என்றார். நிஷிகாந்த் துபே கூறுகையில், ”வெளியிடப்படாத ஒரு புத்தகத்திற்காக பார்லி., தற்போது முடக்கப்பட்டுள்ளது. ஆனால், ஏற்கனவே வெளியாகி நாட்டில் தடை செய்யப்பட்ட புத்தகங்கள் குறித்தும் விவாதிக்க வேண்டும். நேரு குடும்பத்தின் உண்மை முகம் விவாதத்தின் மூலம் வெளிப்படும்,” என்றார்.

மத்திய அமைச்சருடன் லடாய் லோக்சபாவிலிருந்து, ‘சஸ்பெண்ட்’ ஆன காங்கிரசைச் சேர்ந்த எட்டு எம்.பி.,க்கள், பார்லி., வளாகத்தில் உள்ள மகர் துவார் படிக்கட்டுகளில் அமர்ந்து ஆர்ப்பாட்டத்தில் ஈடுபட்டனர். அவர்களுக்கு ஆதரவாக எதிர்க்கட்சித் தலைவர் ராகுல் பேசிக் கொண்டிருந்தார். அப்போது அந்த வழியாக வந்த பா.ஜ.,வைச் சேர்ந்த ரயில்வே இணையமைச்சர் ரவ்நீத் சிங் பிட்டு, ”கார்கில் போரில் வென்றது போல அமர்ந்திருக்கின்றனர்,” என, அவர்களை பார்த்து கூறினார். இதற்கு பதிலளித்த ராகுல், ”இதோ துரோகி நண்பர் வருகிறார். அவர் முகத்தை பாருங்கள்,” என, ரவ்நீத் சிங் பிட்டுவை பார்த்து சிரித்தபடி கூறினார். மேலும், ”துரோகி நண்பரே, கவலைப்படாதீர்கள். நீங்கள் மீண்டும் காங்கிரசுக்கு வருவீர்கள்,” என்றார். அதோடு, கை குலுக்குவதற்காக ராகுல் நீட்டவே கடுப்பாகி மறுத்து விட்ட ரவ்நீத் சிங் பிட்டு, ”இந்த நாட்டின் எதிரி நீங்கள்,” என்று கோபப்பட்டார். இரு தரப்பும் வார்த்தைகளால் மோதிக் கொள்ளும் நிலை உருவானதால், பதற்றம் நிலவியது. ரவ்நீத் சிங் பிட்டு, ஏற்கனவே காங்கிரசில் இருந்தவர். மூன்று முறை எம்.பி.,யான அவர், 2024 லோக்சபா தேர்தலுக்கு முன் பா.ஜ.,வில் இணைந்தார்.

நரவனே புத்தகத்தில் எழுதியது என்ன: செய்தியாளர்களிடம் விளக்கிய ராகுல்! பார்லி., வளாகத்தில் செய்தியாளர்களை நேற்று சந்தித்த காங்கிரசைச் சேர்ந்த லோக்சபா எதிர்க்கட்சித் தலைவர் ராகுல், ராணுவ முன்னாள் தளபதி நரவனே எழுதியதாகக் கூறப்படும், இதுவரை வெளியிடப்படாத அவரது சுயசரிதையான, ‘போர் ஸ்டார்ஸ் ஆப் டெஸ்டினி’ என்ற புத்தகத்தை காட்டினார். ராகுல் கூறியதாவது: சுயசரிதை புத்தகத்தில், லடாக்கில் என்ன நடந்தது என்பதை ராணுவ முன்னாள் தளபதி நரவனே விரிவாக எழுதி உள்ளார். இதை நாட்டின் இளைஞர்கள் அனைவரும் தவறாமல் படிக்க வேண்டும். ராணுவ அமைச்சர் ராஜ்நாத் சிங்கை அழைத்து, சீனப் படைகள் கைலாஷ் முகடுக்கு வந்து விட்டன; என்ன செய்ய வேண்டும் என, நரவனே கேட்டிருக்கிறார். இதற்கு பதில் அளிக்கப்படவில்லை. தொடர்ந்து, வெளியுறவு அமைச்சர் ஜெய்சங்கர், தேசிய பாதுகாப்பு ஆலோசகர் அஜித் தோவலிடம் அவர் கேட்டுள்ளார். ஆனால், எந்த பதிலும் கிடைக்கவில்லை. பின், ராஜ்நாத் சிங்கை மீண்டும் அழைத்த போது, மேலிடத்தில் கேட்பதாகக் கூறியுள்ளார். மேலிடத்தின் நிரந்தர உத்தரவு என்னவென்றால், சீனப் படைகள் எல்லைக்குள் வந்தால், அனுமதி இல்லாமல் சுடக்கூடாது என்பது தான். நரவனேவும், நம் ராணுவமும் சீனப் படைகள் மீது துப்பாக்கிச் சூடு நடத்த விரும்பின. ஏனெனில், அவை நம் எல்லைக்குள் வந்துவிட்டன. பின், ‘எது சரி என்று நினைக்கிறீர்களோ அதை செய்யுங்கள்’ என, நரவனேவிடம் பிரதமர் மோடி கூறினார். தன் கடமைகளை அவர் செய்யவில்லை; பொறுப்பை நிறைவேற்ற தவறி விட்டார். முழு அரசு இயந்திரமும் தன்னைக் கைவிட்டு விட்டதாகவும், தான் தனிமைப்படுத்தப்பட்டதாகவும் இச்சம்பவம் குறித்து புத்தகத்தில் நரவனே குறிப்பிட்டுள்ளார். லோக்சபாவுக்கு வர பிரதமர் மோடிக்கு துணிச்சல் இல்லை. அவர் வந்தால், இந்த புத்தகத்தை நேரில் சென்று அவரிடம் அளிப்பேன். இவ்வாறு அவர் கூறினார்.