வெளிநாட்டிற்குச் சென்று படிப்பது என்பது பல இந்திய மாணவர்களின் வாழ்நாள் கனவாக இருக்கிறது. ஆனால், அமெரிக்காவில் வசிக்கும் ‘சோனாமி’ என்ற இந்தியப் பெண், அந்தப் பெரிய கனவை வெறும் “உயிர்வாழ்வதற்கான” ஒரு விஷயமாகச் சுருக்கிவிட வேண்டாம் என்று மாணவர்களைக் கேட்டுக்கொண்டுள்ளார்.
நிலம் இல்லையா? நோ ப்ராப்ளம்… கடலையே ஏர்போர்ட் ஆக்கிய ஜப்பான்; இவங்க லெவலே வேற
இன்ஸ்டாகிராமில் அவர் வெளியிட்டுள்ள வீடியோ ஒன்றில், சர்வதேச மாணவர்கள் தங்களது கல்லூரிப் படிப்பின் போது தங்களை ஆதரிப்பதற்காகச் செய்யும் தற்காலிகப் பகுதிநேர வேலைகளை தங்களது வாழ்நாள் தொழில் வாழ்க்கையாக மாற்றிவிடக் கூடாது என்று வலியுறுத்தியுள்ளார். பல மாணவர்கள் பெரிய இலக்குகளுடன் வெளிநாடு வருகிறார்கள், ஆனால் படிப்படியாக ஒரு வசதியான வழக்கமான வாழ்க்கைக்கு (Comfortable routines) பழகிவிடுவதால், தாங்கள் எதற்காக வந்தோமோ அதை மறந்துவிடுகிறார்கள் என்று கூறியுள்ளார்.
ஆபத்தான ‘கம்ஃபர்ட் ஜோன்’
வெளிநாட்டில் படிக்கும் மாணவர்கள் எதிர்கொள்ளும் மிகப்பெரிய சவால்களில் ஒன்று இந்த ‘கம்ஃபர்ட் ஜோன்’ தான் என்று சோனாமி விவரித்துள்ளார். பெரும்பாலான சர்வதேச மாணவர்கள் தங்களது கல்வி கற்கும் காலத்தில் வாடகை, உணவு மற்றும் இதர அன்றாடச் செலவுகளைச் சமாளிப்பதற்காக ஆரம்பத்தில் பகுதிநேர அல்லது என்ட்ரி-லெவல் (Entry-level) வேலைகளில் சேருகிறார்கள்.
பிரச்சனை எங்கே தொடங்குகிறது?
படிப்பு முடிந்து பட்டமளிப்பு விழா முடிந்த பிறகும், அந்தத் தற்காலிக வேலைகளையே நிரந்தர வேலைகளாக மாற்றிக்கொள்ளும்போதுதான் சிக்கல் எழுகிறது என்று அவர் தெரிவித்துள்ளார். பல பட்டதாரிகள் தங்களுக்கு ஒரு நிலையான வாழ்க்கை கிடைத்துவிட்டது, நண்பர்கள் உருவாகிவிட்டார்கள் மற்றும் அந்த வழக்கமான வாழ்க்கைக்குத் தங்களது உடல் பழகிவிட்டது என்ற ஒரே காரணத்திற்காக அதே வேலையிலேயே நீடிக்க விரும்புகிறார்கள். இந்த பாதுகாப்பு உணர்வு அவர்களுக்கு நிம்மதியைத் தந்தாலும், அது அவர்களின் தொழில்முறை வளர்ச்சியை மொத்தமாகப் பாதிக்கிறது.
பெருநிறுவன வேலைகளுக்கு மாறுங்கள்
வசதிக்காகக் கிடைக்கும் சாதாரண வேலைகளோடு திருப்தி அடைந்துவிடாமல், தாங்கள் படித்த துறை சார்ந்த பெருநிறுவன வேலைகளுக்கும், வாய்ப்புகளுக்கும் தொடர்ந்து விண்ணப்பிக்குமாறு மாணவர்களை அவர் ஊக்குவித்துள்ளார். தொடர்ச்சியான முயற்சி இருந்தால் மட்டுமே, ஒருவரது தொழில்முறை இலக்குகளுக்குப் பொருத்தமான வேலை கிடைப்பதற்கான வாய்ப்புகள் அதிகரிக்கும் என்றும் அவர் கூறியுள்ளார்.
வளர்ந்து வரும் தொழில்முனைவோருக்கான அறிவுரை
சொந்தமாகத் தொழில் தொடங்க வேண்டும் என்ற லட்சியம் கொண்டவர்கள், தங்களது தற்போதைய சூழ்நிலை வசதியாக இருக்கிறது என்பதற்காகத் தங்களது பிசினஸ் கனவுகளைக் கைவிட்டுவிடக் கூடாது என்றும் சோனாமி கேட்டுக்கொண்டுள்ளார். அவர்கள் தொடர்ந்து திட்டமிடல், கற்றல் மற்றும் தங்களது நீண்ட கால இலக்குகளை நோக்கி உழைக்க வேண்டும் என்று அறிவுறுத்தியுள்ளார்.