இந்தியாவின் டாப் 10 பொதுத்துறை வங்கிகள்: வாடிக்கையாளர்கள், வைப்புத்தொகை எவ்வளவு தெரியுமா?

இந்தியாவின் வங்கித்துறையில் பொதுத்துறை வங்கிகள் மிக முக்கியப் பங்காற்றி வருகின்றன. இவை லட்சக்கணக்கான வாடிக்கையாளர்களுக்குச் சேவையாற்றுவதுடன், பெருமளவிலான வைப்புத்தொகை மற்றும் கடன் வழங்கல் பிரிவுகளையும்  கையாண்டு வருகின்றன. தற்போது இந்தியாவில் மொத்தம் 12 பொதுத்துறை வங்கிகள் செயல்பட்டு வருகின்றன. அவை: பாரத ஸ்டேட் வங்கி, பேங்க் ஆஃப் பரோடா, பஞ்சாப் நேஷனல் வங்கி, கனரா வங்கி, யூனியன் பேங்க் ஆஃப் இந்தியா, பேங்க் ஆஃப் இந்தியா, இந்தியன் வங்கி, சென்ட்ரல் பேங்க் ஆஃப் இந்தியா, பேங்க் ஆஃப் மகாராஷ்டிரா, இந்தியன் ஓவர்சீஸ் வங்கி, யுகோ வங்கி மற்றும் பஞ்சாப் & சிந்த் வங்கி ஆகியவையாகும்.

தற்போது நடைபெற்று வரும் நாடாளுமன்ற மழைக்காலக் கூட்டத்தொடரின் போது, மக்களவை எம்பி மஞ்சு சர்மா அவர்கள் அரசுக்கு ஒரு கேள்வியை எழுப்பினார். அதில், கடந்த ஐந்து ஆண்டுகளில் ஒவ்வொரு பொதுத்துறை வங்கியிலும் உள்ள மொத்த கணக்கு வைத்திருப்பவர்களின் எண்ணிக்கை, மொத்த வைப்புத்தொகை மற்றும் வழங்கப்பட்ட கடன்கள் ஆகியவற்றின் வங்கி வாரியான மற்றும் ஆண்டு வாரியான விவரங்களை வழங்குமாறு அரசாங்கத்தைக் கேட்டுக்கொண்டார். மேலும், நாட்டில் உள்ள பொதுத்துறை வங்கிகளை தனியார்மயமாக்குவது தொடர்பாக ஏதேனும் ஒரு தரப்பிலிருந்து அரசாங்கத்திற்கு ஏதேனும் கோரிக்கைகளோ அல்லது பரிந்துரைகளோ வந்துள்ளனவா என்றும் அவர் கேள்வி எழுப்பியிருந்தார்.

இந்த செய்தியை ஆங்கிலத்தில் படிக்க இங்கே க்ளிக் செய்யவும்.

இதற்குப் பதிலளித்துப் பேசிய மத்திய நிதித்துறை இணை அமைச்சர் பங்கஜ் சவுத்ரி, பொதுத்துறை வங்கிகளை தனியார்மயமாக்குவது குறித்து தற்போது அரசாங்கத்தின் பரிசீலனையில் எந்தவொரு முன்மொழிவும் இல்லை என்று திட்டவட்டமாகத் தெரிவித்தார்.

வாடிக்கையாளர்கள், வைப்புத்தொகை மற்றும் கடன்களின் அடிப்படையில் இந்தியாவின் 10 பெரிய பொதுத்துறை வங்கிகள் குறித்த விவரங்களை ஜூலை 20 அன்று அமைச்சர் பங்கஜ் சவுத்ரி எழுத்துப்பூர்வமான அறிக்கையாக வெளியிட்டார். அந்த அறிக்கையின்படி, 53.03 கோடி கணக்கு வைத்திருப்பவர்கள், 57.33 லட்சம் கோடி ரூபாய் வைப்புத்தொகை மற்றும் 41.90 லட்சம் கோடி ரூபாய் நிலுவைக் கடன் ஆகியவற்றுடன் பாரத ஸ்டேட் வங்கி இப்பட்டியலில் முதலிடத்தில் உள்ளது. இதற்கு அடுத்தபடியாக பஞ்சாப் நேஷனல் வங்கி, பேங்க் ஆஃப் பரோடா, யூனியன் பேங்க் ஆஃப் இந்தியா மற்றும் கனரா வங்கி ஆகியவை அடுத்தடுத்த பெரிய வங்கிகளாகத் திகழ்கின்றன. கணக்கு வைத்திருப்பவர்கள், வைப்புத்தொகை மற்றும் கடன்களின் அடிப்படையில் வரிசைப்படுத்தப்பட்ட டாப் 10 பொதுத்துறை வங்கிகளின் விவரங்கள் இவைகளாகும்.