கிளாசிக் ஸ்னுாக்கர்: அத்வானி அசத்தல்

மும்பையில், சி.சி.ஐ., கிளாசிக் ஸ்னுாக்கர் தொடர் நடக்கிறது. இதன் முதல் சுற்றில் ‘நடப்பு சாம்பியன்’ புனேயின் பங்கஜ் அத்வானி, ரயில்வே அணியின் ரோவின் டி’சவுசா மோதினர். அபாரமாக ஆடிய அத்வானி 4-0 (58-55, 73-7, 92-33, 64-52) என்ற கணக்கில் வெற்றி பெற்றார்.

மற்றொரு போட்டியில் கொல்கட்டாவின் சவுரவ் கோத்தாரி, புனேயின் சூரஜ் ரதி மோதினர். இதில் அசத்திய கோத்தாரி 4-0 (93-28, 70-0, 123-7, 72-37) என்ற கணக்கில் வெற்றி பெற்றார்.

மும்பையின் ஹசன் பதாமி 4-0 (92-13, 72-21, 79-70, 59-31) என, ரயில்வேயின் சித்தார்த் பாரிக்கை தோற்கடித்தார். மற்ற முதல் சுற்று போட்டிகளில் ஆதித்யா மேத்தா, உ.பி.,யின் கார்த்திக் உள்ளிட்டோர் வெற்றி பெற்றனர்.