இரண்டாவது சுற்றில் ஆயுஷ்: ஆர்லியன்ஸ் பாட்மின்டனில்

பிரான்சில், ஆர்லியன்ஸ் மாஸ்டர்ஸ் பாட்மின்டன் தொடர் நடக்கிறது. ஆண்கள் ஒற்றையர் பிரிவு முதல் சுற்றில் இந்தியாவின் ஆயுஷ் ஷெட்டி, கிரண் ஜார்ஜ் மோதினர். அபாரமாக ஆடிய ஆயுஷ் 17-21, 21-10, 21-17 என்ற செட் கணக்கில் வெற்றி பெற்றார்.

மற்றொரு போட்டியில் இந்தியாவின் ஸ்ரீகாந்த் 12-21, 10-21 என, டென்மார்க்கின் மாக்னஸ் ஜோஹன்னேசனிடம் தோல்வியடைந்தார்.

பெண்கள் ஒற்றையர் பிரிவு முதல் சுற்றில் இந்தியாவின் அன்மோல் கார்ப், துருக்கியின் நெஸ்லிஹான் ஆரின் மோதினர். இதில் அசத்திய அன்மோல் 21-12, 21-16 என்ற நேர் செட் கணக்கில் வெற்றி பெற்றார்.

மற்றொரு முதல் சுற்றில் இந்தியாவின் மாளவிகா பன்சோத் 21-18, 21-14 என, சீனதைபேயின் ஷுவோ யுன் சங்கை வீழ்த்தினார். இந்தியாவின் இஷாராணி 21-19, 21-19 என டென்மார்க்கின் அமாலியை தோற்கடித்தார்.

மற்றொரு போட்டியில் இந்தியாவின் தன்வி சர்மா, தாய்லாந்தின் சுபனிடா கேத்தோங் மோதினர். இதில் தன்வி 21-18, 14-12 என முன்னிலையில் இருந்த போது தாய்லாந்து வீராங்கனை காயத்தால் பாதியில் விலகினார். இதனையடுத்து தன்வி வெற்றி பெற்றதாக அறிவிக்கப்பட்டார்.

மற்றொரு முதல் சுற்றில் இந்தியாவின் ரக் ஷிதா ஸ்ரீ 9-21, 15-21 என, ஜப்பானின் மனாமி சுய்சூவிடம் தோல்வியடைந்தார். இந்திய வீராங்கனை தேவிகா சிஹாக் 21-15, 14-21, 15-21 என, ஹாங்காங்கின் லோ சின் யான் ஹேப்பியிடம் வீழ்ந்தார்.