புதுடில்லி: ஐபேடுக்கான வாட்ஸ்அப் புதிய அப்டேட் மூலம், ஐபோன் இணைப்பு அல்லது கியூஆர் கோடு ஸ்கேன் தேவையில்லாமல், நேரடியாக ஐபேடிலேயே புதிய கணக்கை உருவாக்கும் புதிய அம்சத்தை அறிமுகப்படுத்தி உள்ளது.
ஐபேட் சாதனத்திலேயே நேரடியாக போன் நம்பரை உள்ளிட்டு வாட்ஸ்அப் கணக்கைத் தொடங்கலாம். மிகப்பெரிய மாற்றங்களில் ஒன்றான இந்த புதிய அப்டேட் பயனர்கள் இனி ஸ்மார்ட்போனில் கணக்கை உருவாக்கி, டேப்லெட்டை ஒரு துணைச் சாதனமாக இணைக்க வேண்டிய அவசியமில்லை.
வாட்ஸ்அப் கடந்த ஆண்டு ஐபேடுக்கென பிரத்யேக செயலியை அறிமுகப்படுத்தியது, ஆனால் அதில் நேரடி கணக்குப் பதிவு வசதி ஒரு குறிப்பிடத்தக்க குறைபாடாகவே இருந்து வந்தது. தற்போது அதற்கு தீர்வு கிடைத்துள்ளது. இது பயனர்கள் மத்தியில் மிகுந்த வரவேற்பை பெறும் என எதிர்பார்க்கப்படுகிறது.
இந்த அம்சங்கள், பயனர்கள் வாகனம் ஓட்டும்போது தங்கள் ஸ்மார்ட்போன்களுடன் தொடர்பு கொள்ள வேண்டிய தேவையைக் குறைக்கும். பயனர்கள் இப்போது பிடிஎப் பைல்களை தனியாகப் பதிவிறக்கம் செய்யாமலேயே, வாட்ஸ்அப்பிற்குள்ளேயே நேரடியாகத் அணுக முடியும். இந்தச் செயலி, எளிமையான எடிட்டிங் ஆப்களுக்கு ஒத்துழைக்கிறது.
இதன் மூலம் பயனர்கள் ஒரு உரையாடலுக்குள்ளிருந்தே பிடிஎப் பைல்களில் ஹைலைட் செய்யவும், குறிப்புகளைச் சேர்க்கவும் முடியும். ஆப்பிள் மியூசிக் மற்றும் ஸ்பாட்டிபை பாடல்களை இப்போது நேரடியாக வாட்ஸ்அப் ஸ்டேட்டஸில் பகிரலாம். பயனர்கள் இந்த இரண்டு ஸ்ட்ரீமிங் சேவைகளில் ஏதேனும் ஒன்றிலிருந்து ஒரு பாடலைத் தேர்ந்தெடுத்து, தங்கள் ஸ்டேட்டஸில் பதிவிடலாம்.