உலகைச் சுற்றிப் பார்ப்பதும் புதிய இடங்களை ரசிப்பதும் பலரின் கனவாகும். இருப்பினும், ஒரு நாட்டின் இயற்கை அழகை விட அங்குள்ள பாதுகாப்பு மற்றும் அமைதி மிகவும் முக்கியமானது. போர், உள்நாட்டுக் கலவரம், தீவிரவாதம், குற்றச் சம்பவங்கள் மற்றும் அரசியல் நிலையற்ற தன்மை ஆகியவற்றின் அடிப்படையில், சர்வதேச பாதுகாப்பு அமைப்புகள் சுற்றுலாப் பயணிகள் செல்வற்கு மிகவும் ஆபத்தான நாடுகளின் பட்டியலை வெளியிட்டுள்ளன.
தங்கத்தை சாக்கடையில் கொட்டும் ஒரே நாடு… எங்க பாத்தாலும் கோல்டு, வெள்ளியா தான் கொட்டி கிடக்கும்; உடனே ஓடுங்க
ஆப்கானிஸ்தான்
இந்த பட்டியலில் ஆப்கானிஸ்தான் முதல் இடத்தில் உள்ளது. தலிபான்களின் ஆட்சியின் கீழ் உள்ள ஆப்கானிஸ்தான், சர்வதேச பயண ஆலோசனைகளின் படி தொடர்ந்து மிகவும் ஆபத்தான நாடாகவே வகைப்படுத்தப்பட்டுள்ளது. இங்குத் தீவிரவாதத் தாக்குதல்கள், கடத்தல் சம்பவங்கள் மற்றும் அரசியல் நிலையற்ற தன்மை மிக அதிகமாக உள்ளதால், வெளிநாட்டுப் பயணிகளுக்குப் பாதுகாப்பு முற்றிலும் உத்தரவாதமற்றது.
சிரியா
கடந்த பத்து ஆண்டுகளுக்கும் மேலாக உள்நாட்டுப் போரால் கடுமையாகப் பாதிக்கப்பட்ட நாடு சிரியா. அங்கு தற்போதும் ஆங்காங்கே ஆயுதம் ஏந்திய மோதல்களும், வான்வழித் தாக்குதல்களும் நடந்து வருகின்றன. இதனால் சுற்றுலாப் பயணிகள் அங்குச் செல்வது உயிருக்கே பெரும் ஆபத்தாக முடியும்.
ஏமன்
ஏமன் நாட்டில் நிலவும் தீவிர உள்நாட்டுப் போர், பஞ்சமும் நோய்களும் மற்றும் மனிதநேயச் சிக்கல்கள் காரணமாக அந்நாடு உலகின் மிகவும் பாதுகாப்பற்ற இடங்களில் ஒன்றாக மாறியுள்ளது. அடிப்படை மருத்துவ வசதிகளோ அல்லது பயணப் பாதுகாப்போ இங்கு இல்லை.
உக்ரைன் – ரஷ்யா
2022-ல் தொடங்கிய ராணுவ மோதல்கள் மற்றும் போர்ச் சூழல் இன்னமும் நீடிப்பதால், உக்ரைன் முழுவதுமே சுற்றுலாவுக்கு ஆபத்தான பகுதியாக உள்ளது. அதேபோல, ரஷ்யாவின் எல்லைப்புறப் பகுதிகளும் சர்வதேச பொருளாதாரத் தடைகள் மற்றும் பதற்றமான சூழல் காரணமாகப் பயணிகளுக்குப் பரிந்துரைக்கப்படுவதில்லை.
சோமாலியா
ஆப்பிரிக்க கண்டத்தில் உள்ள சோமாலியாவில் பயங்கரவாத அமைப்புகளின் அச்சுறுத்தல், கடற்படை கடற்கொள்ளையர்கள் மற்றும் வன்முறைக் குற்றங்கள் மிக அதிகம். இங்கு வெளிநாட்டுப் பயணிகள் கடத்தப்படும் அபாயம் அதிகமாக உள்ளது.
ஹைட்டி
கரீபியன் தீவு நாடான ஹைட்டியில் ஆயுதமேந்திய கும்பல்களின் ஆதிக்கம் நிலவுகிறது. தலைநகர் போர்ட்- ஓ- பிரின்ஸ் உட்படப் பல இடங்களில் கடத்தல், கொலைகள் மற்றும் வன்முறைகள் அன்றாட நிகழ்வுகளாக மாறிவிட்டதால், இங்குச் செல்வதைத் தவிர்க்க சர்வதேச அமைப்புகள் எச்சரிக்கின்றன.
சூடான்
சூடானில் ராணுவத்திற்கும் கிளர்ச்சிப் படைகளுக்கும் இடையே தீவிரமடைந்துள்ள உள்நாட்டு மோதல்கள் காரணமாக, லட்சக்கணக்கான மக்கள் இடம்பெயர்ந்து வருகின்றனர். விமான நிலையங்கள் செயல்படாத நிலை மற்றும் வன்முறை காரணமாக சுற்றுலாப் பயணிகள் இங்குச் செல்வது மிகவும் ஆபத்தானது.
வெனிசுலா
தென் அமெரிக்க நாடான வெனிசுலாவில் கடுமையான பொருளாதார நெருக்கடி நிலவி வருகிறது. இதனால் ஆயுதமேந்திய கொள்ளைகள், கடத்தல்கள் மற்றும் வன்முறைக் குற்றங்கள் பெருமளவில் அதிகரித்துள்ளன.